रामेछाप । नेपाल आदिवासी जनजाती पत्रकार महासंघ (फोनिज) बागमती प्रदेश अध्यक्षमा रामेछापका युवराज श्रेष्ठ निर्वाचित भएका छन् । पौष २१ र २२ गते हेटौडामा भएको दोस्रो प्रादेशिक महाधिवेशनले रामेछापका श्रेष्ठलाई बागमती प्रदेश अध्यक्षमा निर्वाचित गरेको हो । नेपाल पत्रकार महासंघ रामेछाप शाखाका कोषाध्यक्ष समेत रहेका श्रेष्ठ, रेडियो झंकारका ९७.५ मेगाहर्जका स्टेशन म्यानेजर हुन् । न्यूज २४ टेलिभिजन रामेछापका प्रतिनिधि रहेका श्रेष्ठ रेडियो पत्रकारिताका प्रशिक्षक पनि हुन् । श्रेष्ठ बिगत १८ बर्ष देखी रेडियो क्षेत्रमा आवद्ध रहेर काम गर्दै आएका छन् । उनी यस भन्दा पहिला प्रदेश उपाध्यक्ष हुन् ।
प्रदेश समितिका अन्य पदाधिकारीहरुमा उपाध्यक्ष– राजेश रुम्बा, महिला उपाध्यक्ष– डोल्मा शेर्पा, महासचिव– श्याम राना, संगठन सचिव– शिशिर दोङ, संस्थागत सचिव– राजु नापित र कोषाध्यक्षमा शंकर श्रेष्ठ रहेका छन् ।
त्यसैगरी सदस्यहरुमा खुल्लातर्फ मिना श्रेष्ठ, कमला तामाङ, पासाङ शेर्पा, पूर्णबहादुर मगर, उद्दवकुमार श्रेष्ठ, अर्विन्द्रमान सिंह, सरोज लामा र पासाङ घिसिङ निर्वाचित भएका छन् । संस्थागत सदस्यहरुमा रबिन्द्र सिंजाली मगर, दिक्कीडोल्मा शेर्पा, फूर्वा तामाङ, संजय चौधरी र हिरालाल गुरुङ रहेका छन् भने संघीय प्रतिनिधिमा सम्झना श्रेष्ठ, पूर्णभक्त दुवाल, र पेमा लामा निर्वाचित भएका छन् .
