रामेछाप । जिल्ला स्वास्थ्य कार्यालय रामेछापले फागुन २ गतेवाट दोश्रो चरणको कोरोना विरुद्धको खोप लगाउन शुरु गर्ने भएको छ ।
रामेछापमा दोश्रो चरणको कोरोना बिरुद्धको खोप अन्तर्गत २ हजार १ सय जनालाई लगाइने भएको छ । जसमा जिल्लाका आठै वटा स्थानिय जनप्रतिनिधिहरु, जिल्लाका सबै सरकारी कार्यालयका प्रमुख र कर्मचारीहरु, नेपाल प्रहरीहरु, शसस्त्र प्रहरीहरु र बैंक तथा वित्तिय संस्थाका कर्मचारीहरु र विभिन्न सामाजिक संघसंस्थामा कार्यरत कर्मचारीहरुलाई लगाउने जिल्ला स्वास्थ्य कार्यालय रामेछापका प्रमुख जितेन्द्रकुमार कर्णले जानकारी दिए ।
उनले भने– पहिलो चरणमा लगाउन छुट भएका लक्षित वर्गलाई लगाउने र दोश्रो चरणको खोप कार्यक्रम अन्र्गत जिल्ला अस्पताल रामेछापमा फागुन २ र ४ गते र मन्थली प्राथमिक स्वास्थ्य केन्द्रमा फागुन ३ गतेदेखी ८ गतेसम्म खोप संचालन हुने छ । खोप लगाउनका लागि १ हजार ४ सय जनाले आफ्नो नाम टिपाइसकेको बताए ।
पहिलो चरणको कोरोना विरुद्धको खोप कार्यक्रममा जिल्लाका स्वास्थ्यकर्मी, स्वयंसेवीका, एम्बुलेन्स चालक, शब हावन चालक, अग्रपक्तिंमा खटिने सुरक्षाकर्मी, फोहोरमैला व्वस्थापन गर्ने कर्मचारी गरि १ हजार ९३ जनालाई खोप लगाइएको थियो ।
