रामेछाप । नेपाली काँग्रेस रामेछापका पार्टी सभापति पूर्ण बहादुर तामाङ ९कान्छाराम०को कार्यशैलीको विरोध गर्दै पार्टी सचिव दीपक खड्काले प्रेस विज्ञप्ति जारी गरेको छ । १११ औँ वि.पी जयन्तीको अवसरमा पार्टी सभापति कान्छारामले समितिमा छलफल समेत नगरी एकलौटी मनोमानी ढङ्गबाट कार्यक्रम आयोजना गरेको भन्दै त्यस कार्यक्रमको प्रतिकारमा उत्रने समेत चेतावनी दिएको छ । साथै नेता कार्यकर्तालाई उक्त विरोधका कार्यक्रममा सरिक हुन समेत सचिव खड्काले आग्रह गरेका छन् ।

नेपाली काँग्रेसका सचिव दीपक खड्का द्वारा जारी प्रेस विज्ञप्तिमा भनेको छ “नेपाली काँग्रेस जिल्ला कार्य समिति रामेछापको १४ औँ जिल्ला अधिवेशनबाट पार्टी सभापतिमा मा। पूर्णबहादुर तामाङ ९कान्छाराम० र अन्य पदाधिकारीहरू र सदस्यहरू समेत एउटै प्रक्रियाबाट निर्वाचित भई हाल पार्टीमा क्रियाशील हुँदै आएको सर्वविदितै छ । सम्पन्न अधिवेशन पश्चात् पार्टीको विधान अनुसार पाएको जिम्मेवारीलाई पूर्णरुपमा पालना गर्ने कुरामा जिल्ला कार्य समिति रामेछापको पार्टी सचिव म दीपक खड्का प्रतिबद्ध रहेको ब्यहोरा समेत यसै प्रेस विज्ञप्ति मार्फत जानकारी गराउँदछु । 

यसै क्रममा सभापति मा। पूर्णबहादुर तामाङ ९कान्छाराम० ले विना सल्लाह एकलौटी ढङ्गबाट काम गर्ने र सचिवको अधिकार भित्रको कार्यमा हस्तक्षेप गरी अधिवेशनबाट निर्वाचित पदाधिकारीहरूको मर्यादामा समेत असर पर्ने कार्य गरी एकलौटी तवरबाट आफू सभापति हुने बित्तिकै पार्टीको सबै कार्य गर्ने आफैँ भएको महसुस गरी पार्टी विधान विपरीत ताना शाही प्रवृत्तिका साथ अघि बढेको हुँदा उक्त प्रवृत्तिको विरुद्धमा सम्पूर्ण काँग्रेस शुभचिन्तक हरूलाई एकजुट भई ताना शाही कार्यका विरुद्धमा लाग्न अनुरोध गर्दछु ।

पार्टी सभापति मा। पूर्णबहादुर तामाङ ९कान्छाराम० को उक्त कार्यका विषयमा तत्काल पार्टीको बैठक बसी समस्या समाधानको विषयमा गम्भीर छलफल पश्चात् पार्टीलाई एक ढिक्कारुपमा अघि बढाउने प्रतिबद्धता पार्टी सभापतिले सार्वजनिक नगरेसम्म पार्टी सभापतिको

उपस्थितिमा यही मिति २०८१ साल भाद्र २४ गते १११ औँ वि।पी। जयन्ती गर्ने कुरा पार्टी सभापतिद्वारा प्रेषित पत्रबाट जानकारी पाएको र उक्त विषयमा पार्टीमा छलफल समेत नभएको हुँदा सो कार्यक्रममा विद्रोहका नारा लगायत विभिन्न विरोधका कार्यक्रमहरू समेत सञ्चालन गरिने भएकोले तपाई काँग्रेस शुभचिन्तक हरूलाई उक्त विरोधको अभियानमा सरिक भई पार्टीलाई अराजक गतिविधि गर्ने व्यक्ति हरूबाट जोगाई पार्टीलाई विधान सम्मत अगाडि बढाएर पार्टी जोगाउने कार्यमा सहयोग गरिदिन हुन यसै प्रेस विज्ञप्ति मार्फत हार्दिक अपिल गर्दछु । ” पार्टी सभापति पूर्ण बहादुर तामाङ कान्छाराम हाल ऊर्जा जलस्रोत तथा सिँचाई मन्त्री समेत हुनुहुन्छ ।