रामेछाप । नेकपा एमाले रामेछाप आगामी वैशाख ३० गते हुने स्थानीय तहको निर्वाचनलाई लक्षित गरी दुई महिने विशेष अभियानका साथ फागुन ११ गते देखी गाउँ–गाउँमा जाने घोषणा गरेको छ । फागुन १ र दुई गते बसेको दोस्रो पुर्ण बैठक एवं प्रशिक्षण कार्यक्रम पछी पत्रकार सम्मेलन गरी म जिताउछु मेरो वडा हामी जिताउछौं हाम्रो गाउँपालिका भन्ने नारा सहित गाउँ–गाउँमा जाने एमालेले जनाएको छ ।
नेकपा एमालेको दुई महिने विशेष अभियान अन्र्तगत फागुन ११ गते लिखुतामाकोसी गाउँपालिका, फागुन १२ गते मन्थली नगरपालिका, फागुन १३ गते दोरम्बा सैलुङ गाउँपालिका र खाँडादेवी गाउँपालिका, फागुन १४ गते सुनापति गाउँपालिका , उमाकुण्ड गाउँपालिका र रामेछाप नगरपालिका र १५ गते गोकुलगंगा गाउँपालिकामा बैशाख ३० गते सुर्यमा मतदान नेकपा एमालेको आव्हान र अभियान कार्यक्रम सञ्चालन गर्ने एमाले रामेछापका प्रचार तथा प्रकाशन विभिाग प्रमुख प्रकाशकुमार कार्कीले बताएका छन् । कार्कीले भने यसपछि सवै पालिकाको वडा तथा टोलहरुमा अन्र्तक्रिया एवं सुझाव संकलन सभा कार्यक्रम गरी जिल्लामा बृहत आमसभा गरिनेछ । दुई दिन चलेको बैठकले नेकपा एमाले प्रतिको बढ्दो जनसमर्थनलाई ध्यानमा राखेर पार्टी प्रवेश कार्यक्रमलाई महत्व दिदै जिल्लाका टोल र वडाहरुमा अभियानकै रुपमा पार्टी प्रवेश कार्यक्रम सञ्चालन गर्ने निर्णय गरेको एमाले रामेछापका अध्यक्ष आनन्दकुमार श्रेष्ठले बताए । श्रेष्ठले पत्रकार सम्मेलनमा अबको दुइमहिना सबै वडा र स्थानिय तहमा नेकपा एमालेलाई जिताउन सिङगो पार्टी लागी पर्ने बताए । सो बैठकले पार्टी स्कुल बिभाग ⁄जनसंगठन समन्वय बिभाग प्रमुखमा अध्यक्ष आनन्द कुमार श्रेष्ठ, स्थाई विकास बिभाग प्रमुखमा इन्द्र बहादुर तमाङ, संगठन बिभाग प्रमुखमा पुरुषोतम कडरिया, प्रचार तथा प्रकाशन विभिाग प्रमुखमा प्रकाश कुमार कार्की, निर्वाचन बिभाग प्रमुखमा होतराज ढकाल र वित्त तथा कोष व्यवस्थापन विभाग प्रमुखमा रामप्रसाद देवकोटालाई जिम्मेवारी समेत दिएको प्रेस बिज्ञप्तिमा उल्लेख गरेको छ ।
