ओखलढुङ्गा । पाँचौँ लिखु राष्ट्रपति रनिङ शिल्ड प्रतियोगिता शुक्रवार देखी गाम्नाङ्गटारमा सुरु भएको छ । गाउँपालिकाको वडा नम्बर ६ मा तिन दिन सम्म सञ्चालन हुने पाँचौँ राष्ट्रपति रनिङ शिल्ड प्रतियोगितामा गाउँपालिका भित्रका ८ वटा माध्यमिक विद्यालयको सहभागिता रहेको छ ।
वडा नम्बर ६ का वडा अध्यक्ष टिकाराम क्याप्छाकी मगरको अध्यक्षतामा भएको कार्यक्रमको उद्घाटन गर्दै गाउँपालिका अध्यक्ष अशोक कुमार कार्कीले गत वर्ष केही कमीकमजोरी हुँदा खेलाडीहरूलाई जिल्ला स्तरीय खेलमा पठाउन नसकेको भएपनी खेलकुद क्षेत्रको विकासका लागी निरन्तर काम गर्दै आएको बताए ।
गाउँपालिका अध्यक्ष कार्कीले भने“ गाउँपालिकाको लागी पालिका भित्रको सबै विद्यालय र खेलाडी बराबर भएको भन्दै कुनै विद्यालय र विद्यार्थीलाई सहयोग गर्ने कुनै विद्यालय र विद्यार्थीलाई सहयोग नगर्ने भन्ने हुन्न । सबै विद्यालय र विद्यार्थीलाई एकरूपता सहयोग हुन्छ । खेल जित्न भन्दा पनि अनुशासनमा रहेर अनुशासित भएर खेल्नु होला ।
साथै गाउँपालिका उपाध्यक्ष अस्मिता थापाले सम्पूर्ण बिद्यार्थीहरुलाई खेलमा परिनत गर्न थुर्पै खेल खेलाएर विद्यार्थीको सर्वाङ्गतक विकासका लागी खेलाएको भन्दै गाउँपालिका खेलकुदको क्षेत्रको विकासको लागी अझै लागी पर्ने बताए ।
शुक्रवार सम्पन्न खेलमा पुरुष तर्फ एक सय मिटर दौडमा ग्रामोदय युगकवि सिद्धिचरण माध्यमिक विद्यालय, प्रथम भएको छ । महिला तर्फ सय मिटर दौडमा लेती मा.वि प्रथम भएको छ । त्यस्तै गरी २०० मिटर दौडमा पुरुष तर्फ ग्रामोदय युगकवि सिद्धिचरण माध्यमिक विद्यालय, प्रथम भएको छ भने महिला तर्फ यसम मावि प्रथम भएको छ ।
यसै गरी ४०० मिटर दौडमा पुरुष तर्फ ग्रामोदय युगकवि सिद्धिचरण माध्यमिक विद्यालय र महिला तर्फ जनजीवन मा.वि प्रथम भएको आयोजकले जनाएको छ ।
