काठमाडौं । नेपाल कम्युनिस्ट पार्टी एमालेले अध्यक्ष एवं प्रधानमन्त्री केपी शर्मा वली बिरुद्ध १७ बुदे प्रस्ताव पारित गरेको छ । नेपाल–खनाल समुहको राष्ट्रिय कार्यकर्ता भेलामा फागुन २८ गते पार्टी अध्यक्ष केपी शर्मा ओलीले आफ्नो गुटका सीमिति व्यक्ति बोलाएर सरकारी निवासमा गरेको निर्णयको चर्को बिरोध गरेको छ । पदाधिकारीको जिम्मेवारी हेरफेर र नेकपा एमालेको सदस्यता समेत नलिएका व्यक्तिलाई केन्द्रीय सदस्य बनाएको भन्दै अध्यक्ष वलीको बिरोध गरेको छ ।
पार्टी विधान, पद्धति र नेकपा एमालेको सिद्धान्त, नीति र अभ्यास विपरीत अध्यक्ष वलीले पार्टी चलाएको भन्दै ओलीको तर्फबाट भएका कथित निर्णय र कामहरुलाई भेलाले अस्वीकार गरेको निर्णय गरेको छ ।
साथै ओलीले गरेका निर्णय खारेज गर्दै पार्टीको स्थायी कमिटी, पोलिटब्युरो र केन्द्रीय कमिटीको बैठक बोलाउन समेत माग गरेको छ । स्थायी कमिटी, पोलिटब्युरो र केन्द्रीय कमिटीको बैठक तत्काल बोलाएर विधि र पद्धति सम्मत छलफल गर्न भेलाले माग गरेको छ । नेपाल कम्युनिस्ट पार्टी खारेज गरिनुलाई भेलाले संविधान प्रदत्त राजनीतिक दलको एकीकृत हुन पाउने अधिकारमाथि प्रहार भएको टिप्पणी पनि भेलाले गरेको छ । त्यसता आदेशले मुलुकमा दीर्घकालीन कुप्रभाव पर्ने भन्र्दै कम्युनिस्ट आन्दोलनलाई षड्यन्त्रपूर्वक छिन्न भिन्न पार्ने काम भएको भन्दै त्यसको बिरोध गरेको छ ।