ओखलढुंगा प्रतिनिधिसभा निर्वाचनको मतपरिणामलाई लिएर नेपाली कांग्रेसका उम्मेदवार कुमार लुइँटेलले प्रश्न उठाएका छन्। उनले मुचुल्कामा उल्लेख भएको मतसंख्याभन्दा १८६ मत कम देखिएको दाबी गर्दै निर्वाचन आयोगको नतिजामाथि शंका व्यक्त गरेका हुन्।
यहाँ राष्ट्रिय स्वतन्त्र पार्टीका उम्मेदवार तथा पूर्वएआईजी विश्वराज पोखरेललाई ५ मतको अन्तरले विजयी घोषणा गरी प्रमाणपत्र दिइसकिएको छ। तर लुइँटेलले मतसंख्यामा फरक परेको भन्दै कानुनी उपचारको तयारी गरिरहेको बताएका छन्। निर्वाचन अधिकृतको कार्यालयले भने दलका प्रतिनिधिको उपस्थितिमा मतगणना भएकाले कुनै गडबडी नभएको जनाएको छ।
