रामेछाप । नवजागरण बचत तथा ऋण सहकारी संस्था एक बर्षमा १ करोड ५७ लाख नाफा कमाउन सफल भएको छ । संस्थाले आर्थिक वर्ष ०७८/७९ मा एक करोड ५७ लाख रुपैयाँ नाफा कमाउन सफल भएको हो । सहकारीको शनिबार मन्थलीमा सम्पन्न २४ औँ वार्षिक साधारण सभामा संस्थाका कोषाध्यक्ष नारायण बहादुर कार्कीले आर्थिक वर्ष ०७८/७९ मा एक करोड ५७ लाख नाफा कमाउन सफल भएको बताए । कोषाध्यक्ष कार्कीले साधारण सभामा दिइएको जानकारी अनुसार संस्थाले एक वर्षको अवधिमा एक करोड ५७ लाख २६ हजार ३ सय ८२ रुपैँया नाफा कमाएको छ ।
उक्त नाफा बाट सहकारीले १५ लाख ७२ हजार ३ सय ३८ रुपैयाँ २५ पैसा र ९ लाख १८ हजार ७५ रुपैयाँ आयकर घटाउँदा सहकारीले एक करोड ३२ लाख ३४ हजार ६९ रुपैयाँ २७ पैसा खुद नाफा कमाएको जनाएको छ ।
कोषाध्यक्ष कार्कीले प्रस्तुत गरेको प्रतिवेदनमा संस्थाको शेरय रकम ४ करोड ५५ लाख ९९ हजार ५सय पुगेको छ । त्यस्तै बचत रकम ३९ करोड ९९ लाख ७ हजार ९२ रुपैयाँ ५७ पैसा पुगेको छ ।
आर्थिक वर्ष ०७८/०७९ मा संस्थले सदस्यहरुलाई ३९ करोड १४ लाख १२ रुपैँया ऋण लगानी गरेको जनाएको छ । कार्यक्रममा सहकारी सचिव सोमेश थापाले आगामी आर्थिक वर्ष २०७९/०८० मा ७ हजार ७७० जना शेयर सदस्यबाट बढायर कम्तीमा १० हजार पुर्याउने लक्ष्य लिएको बताएका छन् । उनले संस्थाको चुक्ता शेयर पूँजी ६ करोड ४३ लाख ५० हजार रुपैयाँ, बाट बढाएर ५२ करोड ४१ लाख बचत रकम पुर्याउने र ५१ करोड ४८ लाख रुपैयाँ ऋण लगानी गर्ने लक्ष्य लिएको बताए
सहकारीले साधारण सभाको अवसरमा ३२ बँुद्दे आगामी कार्यक्रम समेत प्रस्तुत गरेको छ । साधारण सभाको अवसरमा असल शेयर सदस्य ३० जना, र ३६ जना सदस्यका छोरा छोरीलाई शैक्षिक सामाग्री प्रदान गर्नका साथै ४ जना वृद्ध वृद्धालाई सम्मान समेत गरेको छ ।
संस्थाका अध्यक्ष श्याम थापाको अध्यक्षतामा भएको उक्त कार्यक्रममा जिल्ला सहकारी संघका अध्यक्ष हिमाल ढुंगेल, जिल्ला बचत तथा ऋण सहकारी संघका अध्यक्ष जेएन दाहाल लगाएतले शुभकामना व्यक्त गरेका थिए ।
कार्यक्रममा संस्थाका सचिव सोमेश थापाले बार्षिक कार्यक्रम र कोषाध्यक्ष नारायण कार्कीले बार्षिक आय व्ययको विवरण प्रश्तुत गरेका थिए । त्यसै गरी लेखा सुपरिवेक्षण समितिका संयोजक तारानिधि सुवेदीले लेखा सुपरिवेक्षण समितिको प्रतिवेदन बार्षिक साधारण सभा समक्ष प्रत्तुत गरेका थिए । सभाले तीन बटै प्रश्तावलाई स्वीकृत गरेको छ ।
२४ बर्ष अघि मन्थली २ टेकनपुरमा स्थापना भएको उक्त सहकारी संस्थाले हाल मन्थलीमा रहेको आफ्नै सविधा सम्पन्न भवनमा कार्यालय राखि ७ हजार ७ सय ७० जना शेयर सदस्य मार्फत बचत तथा ऋणको कारोवार गर्दै आएको छ । संस्थाको मन्थली नगरपालिका, लिखु तामाकोशी गाउंपालिका ,रामेछाप नगरपालिका र खाडादेवि गाउंपालिका कार्यक्षेत्र रहेको छ । उक्त संस्थाले यसै बर्ष देखि लिखु तामाकोशीको धोवि वजारमा सेवा केन्द्र संचालनमा ल्याएको छ भने जिल्लामानै पहिलो सहकारी एटिएम मेसिन राखेर सदस्यलाई सेवा पु¥याएको छ ।
