रामेछाप । रामेछापको गोकुलगंगा गाउँपालिकाका प्रमुख खड्गबहादुर सुनुवारले निर्वाचनको समयमा आपूmले नागरिक सामु गरेको बाचा ९० प्रतिशत पूरा गरेको बताएका छन् । पालिका आवाज साप्ताहिकसँग कुरा गर्दै गाउँपालिका प्रमुख सुनुवारले निर्वाचनको समयमा नागरिकसँग गरेको बाचा आपूmले ९० प्रतिसत पूरा गरेको बताएका छन् ।
गाउँपालिका प्रमुख सुनुवारले अन्य स्थानीय तहमा वडा कार्यालय नहँुदा भाडामा बसेर काम गर्नका साथै गाउँपालिका केन्द्रमा कर्मचारी बसेर काम गरेको बताए । सुनुवारले भने गोकुलगंगा गाउँपालिकाको सबै वडा कार्यालयहरु निर्माण सम्पन्न भइसकेको र सबै वडाको काम वडा कार्यालयबाट सञ्चालन भएको बताए । साथै सुनुवारले गाउँपालिकामा अस्पताल नहुँदा नागरिक धेरै समस्यामा रहेको आपूmले देखेको र आपूm अध्यक्ष भएसँगै अस्पताल स्थापना गर्न पर्छ भनेर लागेको र अस्पताल स्थापना भएर उपचार पनि सुरु भइसकेको बताए । गाउँमा अस्पताल नहुँदा नागरिकहरु कि त जिल्ला सदरमुकाम मन्थली कि त काठमाडौं उपचारको लागि जानु पर्ने अवस्था थियो । नागरिकलाई ठूलो आर्थीक भार त थियो नै गम्भीर खालका बिरामीलाई समयमा अस्पताल पु¥याउन नसक्दा कतिले अकालमा ज्यान गुमाउनु परेको अवस्था थियो । अहिले अस्पताल सञ्चालनमा ल्याएका छौ । ती सबै समस्या हटेर गएको छ गाउपालिका प्रमुख सुनुवारले भने ।
त्यस्तै उनले कुरा गर्दै गाउँपालिकामा सडक भएपनि सडकको अवस्था राम्रा नभएको अवस्था थियो । अहिले कालोपत्रेको काम भइसकेको भन्दै सदरमुकाम जान र उत्पादित बस्तु निकासा गर्न कुनै समस्या नभएको बताए । युवाहरुलाई स्वरोजगार वनाउने उद्देश्यले कृषि पेशामा आकर्षण गराउनको साथै अन्य ब्यवसाय गर्ने युवाहरुलाई अनुदान दिएर युबाहरु लाई बिदेश जान रोक्ने प्रयास गरेको बताएका छन् । खानेपानीको अभाब भएको स्थानमा आपूm गाउँपालिका प्रमुख भएसँगै एक घर एक धारा कार्यक्रम सञ्चालन गरीरहेको भन्दै गाउँपालिकामा बिकासले गति लिएको बताएका छन् ।