फागुन २१ गते बिहीबार हुने प्रतिनिधिसभा निर्वाचनका दिन आन्तरिक तथा अन्तर्राष्ट्रिय दुवै हवाई उडान यथावत् सञ्चालन हुने भएका छन्।
निर्वाचन आयोगले सुरक्षा र मतदान व्यवस्थापनलाई ध्यानमा राख्दै गृह मन्त्रालयलाई उडान सञ्चालनमा सहजीकरण गर्न पत्राचार गरेको हो। टिकट भएका यात्रुले विमानस्थल–घर वा होटलसम्म आवतजावत गर्दा निजी वा सम्बन्धित एयरलाइन्सले उपलब्ध गराएको सवारी प्रयोग गर्न पाउने व्यवस्था गरिनेछ।
यसअघि निर्वाचनका दिन आन्तरिक उडान बन्द गर्ने प्रचलन रहे पनि यस पटक उडान नियमित सञ्चालन गरिने निर्णय गरिएको छ।
