रामेछाप । जिल्ला निर्वाचन कार्यालय रामेछापले निर्वाचन आचारसंहिता सम्बन्धी सरोकारवाला संग छलफल गरेको छ । मंगलबार जिल्ला निर्वाचन कार्यालय रामेछापले आफ्नो छैटौँ निर्वाचन दिवसका अवसरमा निर्वाचन सञ्चालन तथा व्यवस्थापनमा सरोकारवालाको भूमिका बिषयक अन्र्तक्रिया कार्यक्रम चलाएको छ ।
अन्र्तक्रिया कार्यक्रममा सहभागिहरुलेहरुले आचारसंहिता कार्यान्वयनमा चुनौती रहेको बताएका छन् । सरोकारवालाहरुले निर्वाचन आचारसंहिता देख्दा र पढ्दा राम्रो र कडा जस्तो देखिए पनि कार्यान्वयनको पाटो फितलो रहेको बताएका छन् । कार्यक्रममा नेकपा माओवादी केन्द्र रामेछापका नेता दीपक प्रसाइले निर्वाचनलाई स्वच्छ नबनाए नेताहरु भ्रष्ट हुने भएकाले राजनीतिक दलहरु गम्भीर भएर लाग्नुपर्ने जनाएका छन् ।
नेकपा एमाले रामेछापका अध्यक्ष आनन्दकुमार श्रेष्ठले लोकतन्त्रमा विश्वास राख्ने राजनीतिक दलहरुका लागि निर्वाचन महत्वपूर्ण भएकाले निर्वाचन महंगो हुदै गएकोले सैदान्तीक ब्यक्ति निर्वाचनमा भाग लिन बाट भाग्न पर्ने समय आएको भन्दै आचरसंहितालाई सबै मिलेर कार्यान्वयन गर्नुपर्ने बताए । त्यस्तै अध्यक्ष श्रेष्ठले निर्वाचनलाई व्यवस्थित बनाउन सवै निकाय तथा व्यक्ति लागीपर्नु पर्ने बताए । विगतमा भएका निर्वाचनलाई लिएर विभिन्न राजनीतिक दलहरुभित्र निर्वाचन आचारण र खर्च कम गर्ने बारेमा छलफल भैरहेको समेत उनले जानकारी दिए ।
खाँडादेवी गाउँपालिकाका अध्यक्ष प्रेमबहादुर तामाङले निर्वाचन आचारसंहिताबा बारेमा स्थानीय सरकार सचेत रहेको बताएका छन् । अहिले राजनीतिक दलहरुमा पहिला जस्तो किन्ने गरी जनतामा जानुहुन्न भन्ने चेतना भएकाले अबको निर्वाचनमा खर्च कम हुने विश्वास रहेको गाउँपालिका अध्यक्ष तामाङले बताएका छन् ।
जिल्ला समन्वय समिति रामेछापका प्रमुख प्रेम बहादुर खड्काले पछिल्लो समय सम्पन्न भएका निर्वाचनहरु सव्य ढंगले सम्पन्न हुने गरेको जानकारी दिए । उनले भने निर्वाचनमा धेरै खर्च गर्ने परिपाटीको अन्त्य गर्नुपर्ने भनाई रहेको छ । कार्यक्रममा जिल्ला निर्वाचन अधिकारी मधुकरकुमार साहले स्थानीय तह निर्वाचन २०७९ सम्बन्धी निर्वाचन आयोगको गतिविधि, रामेछापको मतदाता विवरण ,अनि निर्वाचन आचारसंहिताका बारेमा सहभागिहरुलाई जानकारी गराएका थिए । कार्यक्रम प्रमुख जिल्ला अधिकारी दीपककुमार पहाडीको अध्यक्षतामा भएका थियोे ।