रामेछाप । नेपाल बिद्यार्थी संघ रामेछापले मन्थली माध्यमीक बिद्यालयका ३ सय बिद्यार्थीहरुलाई न्यानो कपडा बितरण गरेको छ । चिसोको समयमा बिद्यार्थीलाई बिद्यालय आउन समस्या हुने भएकोले सोइटर बितरण गरेको नेविसंघले जनाएको छ । न्यानो कपडा बितरण कार्यक्रम गर्दै कार्यक्रमका प्रमुख अतिथि एव प्रतिनिधि सभा सदस्य पूर्ण बहादुर तामाङ (कान्छाराम) ले बिद्यार्थी संग संगै अभिवाबक र शिक्षकले पनि ध्यान दिनु पर्ने बताए । शिक्षकहरु कक्षा कोठामा मोवाइल लिएर पढाउन जाने गरेको अबिभाबकहरुको र बिद्याथीहरुको गुनासो बाग्लै आउने गरेको भन्दै मोबाइल लिएर कक्षा कोठामा जाने शिक्षकले प्रभावकारी ढंगबाट पढाउन नसक्ने बताए ।
बिद्यालय आएका शिक्षकहरुको मोवाइल १० बजे देखि ४ बजे सम्म प्रधानाध्यापक को कार्यकक्षमा राखेर पढाउन गए मात्र राम्रो सँग पढाउन सकिने अन्यथा गुणस्तरीय पढाई नहुने भन्दै शिक्षकहरुलाई मोवाइलमा धेरै केन्द्रित नहुन आग्रह गरे । साथै कार्यक्रममा बोल्दै घरपायक शिक्षकले राम्रो सँग पढाउन नसक्ने भएकोले राम्रो तलव दिएर घर पाएक भन्दा वाहिर पठाउँदा मात्र प्रभावकारी पठन पाठन हुन सक्ने बताए । कार्यक्रमकी बिशिष्ट अतिथि एबं जिल्ला समन्वय समितिकी प्रमुख चिना खड्का, कार्कीले मन्थली मावि लाई आफुले पनि सकेको सहायोग गर्न आबश्यक पहल गर्ने बताएका छन् ।
जिल्ला सदरमुकामको बिद्यालय राम्रो भयो भने जिल्लाका सबै बिद्यालयहरुले अनुसरण गर्ने भएकोले गुणस्तरीय पठनपाठनका लागि मन्थली मावि सधै अग्रस्थानमा हुनुपर्ने कुरालाई जोड दिए । त्यस्तै गरी बिद्यालय ब्यवस्थापन समितिका अध्यक्ष तेजप्रसाद सुवेदीले नेविसंघले गरेको सकरात्मक भएको भन्दै आगामी दिनमा पनि बिद्यालयमा अझ रचनात्मक कामहरु गर्न र बिद्यालय सुधारका लागि सल्लाह सुझाव दिन आग्रह गरे । कार्यक्रमको अबसरमा बोल्दै नेविसंघका अध्यक्ष बिनोद बुढाथोकीले आफ्नो संगठनले पहिलो चरमा मन्थली माविका ३ सय वालालिकाहरुलाई न्यानो कपडा बितरण गरेको बताउदै आर्थिक अवस्थाको कारण कुनै पनि बिद्यार्थीले पढाई छाड्न नपर्ने बताए । आर्थिक समस्याले कसैले बिद्यालय छाड्न पर्दैन । यदि समस्या परेको अवस्थामा नेविसंघले त्यस्तो बिद्यार्थीको पठन पाठनको जिम्मा लिने बताएका छन् ।
