रामेछाप । नेपाल विद्यार्थी सङ्घ रामेछापका केही नेविसंघका नेताहरू विभिन्न ७ बुँदे माग राख्दै अनशन बेसेका थिए । मङ्गलवार बिहानबाट नेपाली काँग्रेस जिल्ला कार्य समिति रामेछापको कार्यालय (वि.पी.स्मृति भवन) परिसरमा उनीहरू अनशनमा बसेका थिए ।
अनशन बसेका टोलीलाई काँग्रेस सह महामन्त्री बद्री पाण्डे लगायतका नेताहरूले छलफलको कार्यक्रम तत्काल सञ्चालन गर्ने र आवश्यक मागहरू सम्बोधन गर्ने आश्वशन पाएपछि उनीहरूले तत्कालका लागी अनशन तोडेका छन् । अनशनरत चौहानले भने हामीले तत्काल सम्बोधन तोडेका छौँ । तत्काल माग सम्बोधन नभए थप आन्दोलनका कार्यक्रमहरू अघि बढ्छ । उनले भने ।
अनसनमा बसेकाहरूले नेविसंघको जिल्ला नेतृत्व र त्यसको वैधानिकता र अधिवेशनको माग अनि विधान विपरीत पार्टी नेतृत्वको सिफारिस तथा नेतृत्व चयनको गलत प्रक्रिया र नेपाली काँग्रेस जिल्ला कार्यसमिति रामेछाप मनोमानी ढङ्गले सञ्चालन गरिएको भन्दै त्यस विरुद्धमा रिले अनसन सुरु गरिएको थियो
त्यसै गरी सो समूहले पार्टीको १४ औँ जिल्ला अधिवेशन सकिएको २ वर्ष बितिसक्दा पनि महासमिति सदस्य चयन नभएको हुँदा तत्काल चयन गर्नु पर्ने, भातृ संस्थाहरू (नेविसंघ) सहित तरुण दल, महिला सङ्घ, किसान सङ्घ लगायतका सङ्गठनहरूको लामो समयदेखि हुन नसकेको जिल्ला अधिवेशन गराई पार्टीलाई गतिशील र ऊर्जाशील बनाउन प्रशिक्षण कार्यक्रमहरू वडा तहसम्म लानुपर्ने माग राखेका थिए । उक्त मागहरू चरणबद्ध रूपमा पुरा गदै जाने आश्वासन सह महामन्त्री पाण्डेले दिएपछि उक्त अनसन तोडिएको हो ।
