काठमाडौँ – नेपाली कांग्रेसको भातृ संगठन नेपाल राष्ट्रिय मगर संघको तेस्रो राष्ट्रिय महाधिवेशनबाट नयाँ कार्यसमिति चयन भएको छ। शनिबार सानेपास्थित पार्टी केन्द्रीय कार्यालयमा आयोजित कार्यक्रममा ३१ सदस्यीय नयाँ कार्यसमिति सार्वजनिक गरिएको हो।
खोटाङका इच्छु राम थानामगर संघको सभापतिमा निर्वाचित भएका छन्। उपसभापतिमा काठमाडौँका कृष्ण थापामगर, बाँकेकी उमा थापामगर र रुकुम पश्चिमका जनक कुमार वाँठामगर चयन भएका छन्।
महामन्त्रीमा धादिङका रामबहादुर थापामगर निर्वाचित भए भने सहमहामन्त्रीमा खडकबहादुर थापा, हस्त पुन र सरिता रानामगर चयन भए। कोषाध्यक्षमा गायत्री रानामगर निर्वाचित भएकी छन्।
यसपटकको महाधिवेशनबाट निर्वाचित ३१ सदस्यीय कार्यसमितिमा रामेछापलाई विशेष प्रतिनिधित्व मिलेको छ। जिल्लाबाट बुद्ध ब. पुनमगर र ओ बहादुर थापामगर प्रदेश सदस्यमा निर्वाचित भएका छन्।
