रामेछाप । नेपाल महिला मगर समन्वय समिति जिल्ला कार्यसमिति रामेछापकी अध्यक्ष तारा राईका मगर भण्डारी सम्मानित भएकी छिन् ।
उनलाई रामेछाप नगरपालिका वडा नं–२ को देउरालीमा रहेको सितलादेवी माध्यमिक विद्यालयको ६१ औं बार्षिकउत्सवको अवसर पारेर सोमवार सम्मानित गरिएको हो । उनले सितलादेवी माध्यमिक विद्यालयलाई आवश्यकता अनुसार पटक–पटक विभिन्न सहयोग गर्दै आएको र विद्यालयको बार्षिकउत्सवको अवसरमा मगर समुदायको भेषभुषा झल्कने सांस्कृतिक कार्यक्रमकाे सहयाेग गरेर विद्यालयको स्वभाव बढाएको भन्दै अध्यक्ष मगरलाई सम्मानित गरिएको हो ।
विद्यालयको वार्षिकउत्सव कार्यक्रमका प्रमुख अतिथि बागमती प्रदेशका सांसद शान्तीप्रसाद पौडेलले नेपाल मगर महिला समन्वय समिति रामेछापकी अध्यक्ष तारा मगरलाई प्रशंसा–पत्रले सम्मानित गरेका हुन् । उक्त कार्यक्रम बोल्दै प्रमुख अतिथि पौडेलले भुकम्पका कारण क्षति पुगेका अधिंकास विद्यालयहरुको भौतिक संरचनाहरु निमार्ण भएता पनि अधिकास सामुदायिक विद्यालयहरुले गुणस्तरिय शिक्षाका सबाललाई गम्भिरताका साथ कार्यान्वयन गर्नुपर्ने धारणा राखे ।
कार्यक्रमका विशिष्ठ अतिथि नेपाली काँग्रेस रामेछापका सभापति लबश्री न्यौपानेले शिक्षाको बिकल्पमा शिक्षा नै भएकाले यसको सुधारको लागि स्थानिय, प्रदेश र संघीय सरकारको समेत उत्तिकै दायित्व र जिम्वेवार रहेको भन्दै शिक्षा क्षेत्रको विकासको लागि नेपाली काँग्रेस रामेछापले आवश्यक सहयोग गर्ने बताए ।
विद्यालय व्यवस्थापन समितिका अध्यक्ष ज्ञानवहादुर पुलामी गरको अध्यक्षतामा भएको उक्त कार्यक्रममा विद्यालयका प्रध्यानध्यापक गणेश बख्रेलले विद्यालयलाई अहिलेको अवस्थामा ल्याउन सहयोग गर्ने सबै महानुभावहरु प्रति कृतज्ञता व्यक्त गरे । कार्यक्रममा रामेछाप नगरपालिका वडा नं २ का वडा अध्यक्ष निरबहादु श्रेष्ठले आफ्नो कार्यकालमा भएका विकास निमार्ण लगाएत वडामा भए गरेका कामहरुको बिषयमा सहभागीहरुलाई जानकारी गराएका थिए ।
त्यसैगरी कार्यक्रममा नेपाल शिक्षक महासंघ रामेछाप नगर समितिका अध्यक्ष नारायणप्रसाद घिमिरे, पत्रकार महासंघ बागमती प्रदेशका सदस्य बद्री नयाँघरे, जिल्ला अस्पताल व्यवस्थापन समितिका अध्यक्ष रोशन पाख्रीन लगाएतका वक्ताहरुले आ–आफ्नो धारणा राखेका थिए ।
