काठमाण्डौं । नेपाल कम्युनिष्ट पार्टी (नेकपा) को नाम विवादमा परेको मुुद्धाको फैसला आज सर्वोच्च अदालतले गर्ने भएको छ ।
न्यायाधीश बमकुमार श्रेष्ठ र कुमार रेग्मीको इजलाशले दुवै पक्षको वहस सकाएर निसुुमा राखेको थियो । आफूले दर्ता गरेको नेकपा निर्वाचन आयोगले अरुलाई दिएको भन्दै बदर हुनुपर्ने माग राखी ऋषी कट्टेलले सर्वोच्चमा मुुद्धा दायर गरेका थिए ।
कट्टेलको मुद्धामा नेकपा भित्रको विवाद चरम भइरहेको अवस्थामा सर्वोच्च अदालतवाट फैसला आउन लागेको हो । आजैवाट प्रतिनिधि सभाको हिउँदे अधिवेशन पनि शुरु हुँदै छ । सर्वोच्चले अब नेकपाको नाम कसको हुने भन्ने फैसला गर्ने भएको हो । यदि सर्वोच्चले नेकपा कट्टेलको हुने ठहर गरि फैसला सुनाएमा एमाले र माओवादी एकीकृत भएर बनेको पार्टीको नाम भने बदर हुनेछ ।
सर्वोच्चले नेकपा नाम सत्तारुढ दलको पक्षमा हुनुपर्ने भनी गरेको निर्णयसमेत लिखित रुपमा सर्वोच्चमा पेश गर्न भनेको थियो । एकीकृत पार्टीलाई पनि किन नेकपा नै राखिएको भनी सर्वोच्चले जवाफ माग समेत गरेको थियो ।
