विराटनगर । कोसी प्रदेशका मुख्यमन्त्री उद्धव थापाको नियुक्तिको विषयमा कोसी प्रदेशमा विवाद सुरु भएको छ । मुख्यमन्त्री नियुक्त प्रक्रिया विरुद्धको मुद्दाको सुनवाइका लागि सर्वोच्चको पूर्ण इजलासमा पेसी तोकिएको छ ।
२१ असारमा काँग्रेस संसदीय दलका नेता उद्धव थापाले सभामुख बाबुराम गौतमको समेत समर्थन पेस गरेर मुख्यमन्त्रीमा दाबी पेस गरेका थिए । प्रदेश प्रमुख परशुराम खापुङले सोही दिन थापालाई मुख्यमन्त्री नियुक्त गरेका थिए । थापा मुख्यमन्त्री नियुक्त भएपछि पूर्व मुख्यमन्त्री हिकमत कुमार कार्कीले उक्त प्रक्रियाविरुद्ध सर्वोच्चमा मुद्दा दायर गरेका थिए ।
