रामेछाप । रामेछाप लगाएत देशभर आजबाट मतदाता नामावली संकलन गर्ने काम शुरुहुने भएको छ । निर्वाचन आयोगले यस अघि वन्द गरेको मतदाता नामावली संकलन कार्य पुनः आज बाट खुल्ला गरेको छ । सरकारले निर्वाचनको मिति घोषणा गरेपछि मतदाता नामावली संकलनको काम स्थगित भएको थियो ।
देशभरका ७७ वटै जिल्ला निर्वाचन कार्यालयहरु वाट मतदाता नामावली संकलन गर्ने कार्यक्रम खुल्ला गरिएको भन्दै निर्वाचन आयोगले ७७ वटै जिल्लाहरुलाई पत्रचार गरेको छ । निर्वाचन आयोगको वुधवार वसेको बैठकले विहिवार देखि जिल्लाका सबै निर्वाचन कार्यालयहरूमा मतदाता नामावली संकलन र अध्यावधिक गर्ने निर्णय गरेको हो ।
