रामेछाप । रामेछापवाट पटकपटक रुपमा मोटरसाइकल चोरी भएको उजुुरी परेपछि खाजी कार्यमा जुटेको प्रहरीले एकहप्ता भित्र मोटरसाइकल चोरीमा संलग्न दशजनालाई चोरीको मोटरसाइकल सहित पक्राउ गरेको छ ।
प्रहरीले मोटरसाइकल चोरीमा संलग्न मध्ये ३ जनालाई जिल्लाभित्र वाटै र बाँकी अन्य ७ जनालाई बाहिरी जिल्लावाट पक्राउ गरेको हो । मोटरसाइकल पार्किङ्ग गरिराखेको ठाउँवाट मोटरसाइकल हराएको भन्दै विभिन्न समयमा सवारी धनीले दिएको उजुरीको आधारमा प्रहरी खोजी कार्यमा जुटेको थियो । सोही क्रममा प्रहरीले बा.प.०२–०३३ प ३९४५, बा.प.०२–०२२ प ३५२०, बा.प.०२–०१५ प ५४७८ र प्रदेश ३–०२–०२९ प ९६१२ नम्वरको मोटरसाइकल फेला पारेको छ ।
प्रहरीले मोटरसाइकल सँगै चोरीमा संलग्न मध्ये रामेछापको खाँडादेवी गाउँपालिका–६ का रामचन्द्र बुुढाथोकी र सौरभ बुढाथोकी र सौरभको वर्कसपमा काम गर्ने सलाही हरिपुर गाउँपालिका–६का ज्ञासोधिक मन्सुर, रामेछाप खाँडादेवी गाउँपालिका–२ हिलेचौरका सुवास तामाङ र सोही वडाका राजन योन्जनलाई प्रहरीले पक्राउ गरेको छ ।
त्यसैगरी प्रहरीले ललितपुर महानगरपालिका–६पोकुुबाालका लक्की शाक्य, म्यादी जिल्ला दरवाङ्ग गाउँपालिका घर भई हाल ललितपुर वस्दै आएका विशेष राउत, रामेछाप जिल्ला खाँडादेवी गाउँपालिका–२ चुल्ठेपानीका घनश्याम कार्की, गोकुलगंगा गाउँपालिका–४ बेतालीका बिनोद मुग्राती र नुवाकोट जिल्ला दुप्चेश्वर गाउँपालिका–४ दुप्चेका रामशरण दमाईलाई मोटरसाइकल चोरी गरेको सवुद प्रमाण सहित प्रहरीले पक्राउ गरेको हो । मोटरसाइकल चोरीमा संलग्न भएकाहरुको विभिन्न सूचनाको आधारमा उनीहरुलाई पक्राउ गर्न सफल भएको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले जानकारी दिए ।
