रामेछाप । जिल्ला सदरमुकाम मन्थलीमा जापानी भाषाको पढाई सुरु भएको छ । यस अघि जापान लगायत अन्य देश जान चाहनेले काठमाण्डौं लगायत अन्य सहरमा बसेर पढ्न पर्ने बाध्यता थियो ।
मङ्गलवार बाट क्रियटिभ एडु हब सञ्चालनमा आएको छ । क्रियटिभ एडु हब सञ्चालनमा आए सँगै आफ्नै जिल्लामा बसेर जापानी लगायत भाषाका कक्षा लिनका साथै उक्त देशहरूमा जान सक्ने भएको छ । एडु हबले जिल्ला सदरमुकाम मन्थली बाट जापानी तथा अङ्ग्रेजी भाषाका कक्षाहरू सञ्चालनमा ल्याएको छ । साथै एडु हबले जापान, युके, अस्ट्रेलिया, क्यानडा लगायत देशका विश्व विद्यालयहरू सँग परामर्श गर्ने समेत सञ्चालकहरूले बताएका छन् ।
एडु हबका एक सञ्चालक सुन्दर घिमिरेले भने“ रामेछाप बाट धेरै विद्यार्थी काठमाण्डौं लगायत सहरमा ठुलो लगानी गरेर भाषा अध्ययनको लागी जान परेको समस्या देखेर हामीले जिल्लामा जापानी तथा अङ्ग्रेजी भाषाका कक्षाहरू सञ्चालनमा ल्याएका छौँ ।
अब जापान लगायत युके, अस्ट्रेलिया, क्यानडा लगायत अन्य देशमा जाने बिद्यार्थीहरु काठमाण्डौं लगायत अन्य सहरमा धाउन पर्दैन हामी मन्थली बाटै सबै सेवा दिने छौँ” ।
