रामेछाप । रामेछापको मन्थली नगरपालिका–कुनौरीमा आज बिहान सिमेन्ट बोकेको लरी दुर्घटनामा पर्दा चालक घाइते भएका छन् । दुर्घटनामा घाइते हुनेमा नुवाकोट, दुप्चेश्वर गाउँपालिका–७ सिखरबेसीका ४४ वर्षीय प्रवास ओली रहेको जिल्ला प्रहरी कार्यालय रामेछापले जनाएको छ । उनको उद्धार गरी मन्थली अस्पतालमा उपचार भइरहेको र बोल्न सक्ने सामान्य अवस्थामा रहेको प्रहरीले जनाएको छ ।
निर्माणाधीन सुनकोशी–मरिण डाइभर्सन आयोजनाका लागि सिमेन्ट बोकेर सित्खा हुँदै मन्थलीतर्फ आइरहेको बागमती प्रदेश–३०१००३ क ५६४४ नम्बरको मालवाहक लरी कुनौरीमा सडकबाट तल खसेको हो । प्रहरी निरीक्षक कौशल न्यौपानेका अनुसार दुर्घटनाको कारणबारे अनुसन्धान भइरहेको छ ।
