मन्थली–रामेछापको सदरमुकाम मन्थली लगायतका क्षेत्रमा लगाइएको कफ्र्यू हटेको छैन । जिल्ला प्रशासन कार्यालयले बिहान सूचना मार्फत गएराति १० बजे देखि सुरु गरिएको कफ्र्यू आज दिउँसो १२ बजे सम्म रहने जानकारी दिएको छ ।
जेनजी आन्दोलन नियन्त्रणसँगै शान्तिसुरक्षा कायम गर्न स्थानीय प्रशासन ऐन, २०२८ को दफा ६ क बमोजिम कफ्र्यू लगाइको प्रमुख जिल्ला अधिकारी श्याम कृष्ण थापाले बताए । उनका अनुसार कफ्र्यू लगाइएको स्थानमा आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न पाइने छैन ।
मन्थली नगरपालिका वडा नं. २ आकासे पुलदेखि दक्षिणतर्फ मन्थली नगरपालिका र रामेछाप नगरपालिका वीचको सुकाजोर खोला पुल (बिटारसम्म ), मन्थली खुर्कोट सडक खण्डको सोलमारीस्थित सुकाजोर खोला पुलदेखि मदनआश्रित चोक हुँदै सानीमदौ सीटिइभिटिइसम्म), मन्थली नगरपालिका वडा नं. १ का सबै क्षेत्र र रामेछाप नगरपालिका वडा नं. ८ भंगेरी देखि गौरीशंकर मा.वि. तथा रामेछाप अस्पताल क्षेत्रभित्र कफ्र्यू लगाइएको छ ।
कार्यालयले गएराति १० बजेदेखि आज बिहान ६ बजेसम्म कफ्र्यू लगाएको थियो । तर परस्थितिको आकलन गरी कफ्र्यू जारी राख्ने जनाएको हो ।