रामेछाप । मन्थली नगरपालिका वडा नम्बर ७ कल्लेरीमा बोलेरो साझं ६ः ३० बजे दुर्घटना भएको छ । बोलेरो दुर्घटना हुँदा एक जनाको घटना स्थलमानै ज्यान गएको छ भने ९ जना घाइते भएका छन् । घाइते मध्य ४ जनाको अवस्था गम्भीर रहेको छ ।
जिल्ला सदरमुकाम मन्थली बाट खाँडादेवी गाउँपालिका वडा नम्बर ७ पिङखुरी तर्फ जाँदै गरेको प्रदेश ३–०१–०२३ को ३९०९ नम्बरको बोलेरो मन्थली नगरपालिका वडा नम्बर ७ कल्लेरीमा दुर्घटना भएको स्थानीय शिक्षक भीम नेपालीले जानकारी दिए । उहाँका अनुसार दुर्घटनामा परी मन्थली नगरपालिका वडा नम्बर ७ बस्ने माया बिकको ज्यान गएको छ । घाइते मध्य ४ जनाको अवस्था गम्भीर छ । उनीहरूको जिल्ला सदरमुकाममा रहेको मन्थली अस्पतालमा उपचार हुँदै छ । प्रहरी भने घटना स्थल हाल सम्म पुग्न सकेको छैन । आधिकारिक जानकारी भने प्रहरी घटना स्थल पुगेपछि मात्र दिन सकिने प्रहरीले जनाएको छ ।
