रामेछाप । विज्ञान सङ्कायमा अध्ययनरत मन्थली माध्यमिक विद्यालयका बिद्यार्थीहरुले विज्ञान प्रदर्शनी २०८१ आयोजना गरेको छ । विद्यालयको प्राङ्गणमा शुक्रवार कक्षा ९÷१०÷११ र १२ कक्षामा अध्ययनरत बिद्यार्थीहरुले विज्ञान प्रदर्शनी गरेको हो । प्रदर्शनीमा बिद्याथीहरुले मानव स्वास्थ्य, वायु मण्डल, वातावरण संरक्षण लगायत विभिन्न प्रविधि सँग सम्बन्धित नमुना प्रदर्शन गरेका थिए ।
उक्त प्रदर्शनी अवलोकन गर्न मन्थली नगरपालिकाका नगर प्रमुख लव श्रेष्ठले निमित्त कार्यकारी अधिकृत हेमन्त बुढाथोकी मन्थली नगरपालिका वडा १ का अध्यक्ष होम पौडेल माविका प्र अ डाक्टर टंक प्रसाद दाहाल लगायत अन्य शिक्षकहरूको समेत सहभागिता रहेको थियो । वातावरण संरक्षण लगायत विभिन्न प्रविधिहरू समुदाय स्तरमा प्रदर्शन गरी समाज रूपान्तरण गर्न सहयोग गर्न बिद्यार्थीहरुलाई नगरप्रमुख श्रेष्ठले अवलोकनको क्रममा आग्रह गर्नु भएको छ । नगरप्रमुख श्रेष्ठले नमुना प्रदर्शन बाट वातावरण संरक्षण सम्बन्धी सहजै नागरिक स्तरमा जनचेतना जगाउन सक्ने बताउनु भएको छ
