रामेछाप । नेपाल विद्यार्थी संघ (नेविसंघ) का कर्ण श्रेष्ठ बाहेक अन्य सबै पदमा अनरोस्ववियुका उम्मेदवार विजयी भएका छन् । रामेछाप जिल्ला सदरमुकाम मन्थलीमा सञ्चालित मन्थली सहिद स्मृति बहुमुखी क्याम्पसमा स्ववियु निर्वाचनमा एक सदस्य पद बाहेक सबै पदमा अनरोस्ववियुका उम्मेदवार विजयी भएका हुन् ।
मंगलबार भएको निर्वाचनबाट अनेरास्ववियुका सुशील थापा २०७ मत प्राप्त गर्दै विजयी भएका छन् भने नेविसंघका विपुल रोका १५२ र अखिल (क्रान्तिकारी)का उम्मेदवार अनोज भुजेलले जम्मा ६५ मत मात्रै प्राप्त गर्दे पराजित हुनुभएको छ । सचिवमा अनेरास्ववियुका मुकेश भण्डारी(डेनिस) १८५ मत प्राप्त गरी विजयी हुँदा नेविसंघका युवराज बुढाथोकीले १६५ र अखिल (क्रान्तिकारी)का सचिव पदका उम्मेदवार विनीता माझी ७० मत प्राप्त गर्दै पराजित हुनुभएको छ । कोषाध्यक्षमा अनेरास्ववियुकी मशली तामाङ २०७ मत प्राप्त गरी निर्वाचित हुँदा नेविसंघकी छाया तामाङले १३६ र अखिल (क्रान्तिकारी)का राजकुमार श्रेष्ठ जम्मा ७९ मत प्राप्त गरी पराजित हुनुभएको छ । सदस्यहरूमा अनेरास्ववियका ४ जना उम्मेदवार तुलसा उप्रेती १९१, यलिना माझी १७१, जीवन पहरी २०७ र मनोज श्रेष्ठ २३७ मत प्राप्त गर्दै निर्वाचित हुनुभएको छ । भने एउटा सदस्य पदमा नेविसंघबाट कर्ण श्रेष्ठ १७६ मत प्राप्त गर्दै विजयी हुनुभएको छ ।
अब उपाध्यक्ष र सह–सचिव सहित ७ पद समानुपातिक तर्फबाट समितिमा जाने व्यवस्था रहेको छ । स्ववियु निर्वाचन भएको रामेछाप जिल्लाकै एक मात्रै मन्थली सहिद स्मृति बहुमुखी क्याम्पसमा ५३१ मतदाता रहेकोमा जम्मा ४२७ मत खसेको छ ।
