हेटौँडा । जिल्ला सदरमुकाम मन्थलीमा रहेको मन्थली अस्पताल अब प्रादेशिक अस्पताल बन्नेभएको छ । बागमती प्रदेश सरकारले मन्थली अस्पताल सहित प्रदेशका विभिन्न पाँच वटा अस्पताललाई प्रादेशिक अस्पतालको रूपमा विकास गर्ने प्रक्रिया अघि बढाएको छ ।
प्रदेश सरकारले सरकारको नीति तथा कार्यक्रममै समेटेर पाँच अस्पताललाई स्तरोन्नति सहित विकास गर्ने प्रक्रिया अघि बढाएको हो । सो कार्यक्रमका लागि प्रदेश सरकारले चालु आर्थिक वर्षको बजेटमा ४ करोड विनियोजन गरेको थियो ।
सोही अनुसार प्रदेशको स्वास्थ्य मन्त्रालयले कार्यदल बनाएर अध्ययन समेत गरिसकेको छ । कार्यदलले रामेछापको मन्थली अस्पताल, दोलखाको जिरी, सिन्धुपाल्चोकको मेलम्ची, सिन्धुलीको दुधौली र चितवनको माडी अस्पताललाई स्तरोन्नति सहित विकास गर्ने गरी अध्ययन गरेको हो । कार्यदलले अध्ययन गरी सुझावसहितको प्रतिवेदन बुझाइसकेको छ ।
ती अस्पताल सञ्चालनका लागि वार्षिक २० करोड रुपैयाँ खर्च हुने कार्यदलको निष्कर्ष छ । पाँच वटै अस्पताललाई प्रदेश सरकार मातहत ल्याएर २५ शय्याको अस्पताल सञ्चालन गर्दा सरकारलाई ९३ करोड आर्थिक भार पर्ने प्रतिवेदनमा उल्लेख छ । एउटा अस्पताल सञ्चालनका लागि वार्षिक २० करोड रुपैयाँ खर्च हुने कार्यदलको निष्कर्ष छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
