रामेछाप । मन्थली नगरपालिका–१३ फुलासीमा नेकपा माओवादी केन्द्र परित्याग गरी मन्थली नगरपालिका–१३ का सचिव सहित १०० जना भन्दा बढी कांग्रेसमा प्रवेश गरेका छन् । नेपाली कांग्रेस मन्थली नगरपालिका वडा नं १३ फुलासीले मंगलवार आयोजना गरेको वडा पार्टी कार्यालय उद्घाटन तथा जेष्ठ नागरिक सम्मान कार्यक्रममा नेकपा माओवादीका वडा सचिव डम्बर खपाङ्गी मगर सहित एक सय बढी नेकपा एमाले र माओवादी केन्द्र परित्याग गरी नेपाली कांग्रेसमा प्रबेश गरेका हुन ।
नव प्रबेशीलाई नेपाली कांग्रेस रामेछापका सभापती पुर्ण बहादुर तमाङ (कान्छाराम) लगायतका नेताहरुले टीका र माला लगाएर स्वागत गरेका थिए । पार्टीमा प्रबेश गरेपछि मगरले मन्चबाट भने – माओवादीले जनताको पक्षमा नभइ स्वार्थमा काम गरेकाले आफुलाई माओवादी पार्टी मन नपरेकाले कांग्रेसबाट नै राजनैतिक सक्रियता बढाउने बताए । निर्वाचित जन प्रतिनिधि पनि स्वार्थमा लिप्त रहेकाले फुलासीको बिकास हुन नसकेको धारणा राखेका थिए । उनले अबको बिकास कांग्रेसबाट हुने र सबैले कांग्रेसलाई जिताउनु पर्ने बताए ।
सोही वडाकी स्थानीय तहको निर्वाचनमा माओवादीबाट दलित महिला सदस्यको उम्मेद्वार समेत रहेकी सुन्तली बर्देवा पनि माओवादी परित्याग गरी कांग्रेसमा प्रवेश गरेकी छिन् । उनले पनि कम्युनिस्टबाट आशा मरेको र कम्युनिस्टले भ्रमको खेती गर्ने बताउदै कांग्रेस पार्टी रोजेको बताईन । उनले सबै खाले परिवर्तन कांग्रेसबाट नै हुने बताइन । नेपाली कांग्रेसका सभापती तथा कार्यक्रमका प्रमुख अतिथी पुर्ण बहादुर तमाङ (कान्छाराम) ले नेपाली काँग्रेसले सबैलाई उचित स्थान सहित जिम्मेवारी दिएर पार्टीलाई सशक्त बनाउन लागि पर्ने बताए ।
सो कार्यक्रममा नेपाली कांग्रेस फुलासीका स्थानीय नेता हरिराम गिरीको सहयोगमा सामाजिक सुरक्षा भत्ता खाएका ४ सय जनालाई न्यानोका लागि फाइबर सिरक बितरण समेत गरिएको छ । सामाग्री बितरणको संयोजन फुलासी कांग्रेसले गरेको हो । मन्थली नगरपालिका वडा नं १३ मा राज्यबाट सामाजिक सुरक्षा भत्ता खाइ रहेका जेष्ठ नागरिक, एकल महिला, दलित बालबालिका, अति अशक्त ब्यक्तिहरु गरि ४ सय नागरिकलाई काँग्रेसले जाडोमा ओढ्ने न्यानो फाइबर सिरक वितरण गरेको हो । नेपाली काँग्रेस मन्थली नगरपालिका वडा नं १३ फुलासीको कार्यालय उद्घाटन तथा जेष्ठ नागरिक सम्मान कार्यक्रमको आयोजना गरेर वडा समितिले गिरिको सहयोगमा राज्यबाट सामाजिक सुरक्षा भत्ता लिइरहेका ३ सय ४६ जना र वडाका अति अशक्त ५४ जना सहित ४ सय जनालाई फाइबर सिरक वितरण गरेको हो ।
ज्येष्ठ नागरिकलाई कार्यक्रमका प्रमुख अतिथी पार्टी सभापती पुर्ण बहादुर तमाङ कान्छारामले फाइबर सिरक बितरण गरेका थिए । स्थानिय सरकार राज्यले दिन नसकेको अबस्थामा काङ्ग्रेसका नाममा ब्यक्तिले यती ठुलो सहयोग गर्दा खुशि लागेको सामग्री बुझ्दै गरेका बृद्धबृद्दाले प्रतिक्रिया दिए । कार्यक्रममा राष्ट्रिय, जिल्ला र स्थानीय स्तरका कलाकारहरु प्रकाश कट्टुवाल, रामकुमार नेपाली सबिन चौहान लगायतका कलाकारहरुले गित संगीतले मनोरन्जन प्रदान गरेका थिए ।
नेपाली काँग्रेस मन्थली नगरपालिका वडा नं १३ फुलासीका वडा सभापति ओमकार अधिकारीको अध्यक्षतामा भएको कार्यक्रममा नेपाली कांग्रेस बागमती प्रदेशका सदस्य अर्जुन कुमार केसी, नेपाली कांग्रेसका पुर्व पार्टी सभापति रामचन्द्र खड्का, निवर्तमान पार्टी सभापति लवश्री न्यौपाने, महाधिवेशन प्रतिनिधिहरु मीना कार्की र विनिता खड्का, जिल्ला कार्यसमिति सदस्यहरु ध्रुव लामा र सिताराम कार्की, कांग्रेस नेता एवं पुर्व महाधिवेशन प्रतिनिधि कृष्ण बहादुर महत, नेपाली काँग्रेस रामेछाप प्रदेश सभा (ख) का सभापति राजेश श्रेष्ठ, नेपाली कांग्रेस नेता एवं पुव पार्टी कोषाध्यक्ष कुमार श्रेष्ठ, नेपाल तरुणदल रामेछापका अध्यक्ष काजी बहादुर खड्का (दिनेश), नेविसंघ रामेछापका उपाध्यक्ष प्रभाकर ढुंगेल, नेपाली कांग्रेस क्षेत्र नं २ रामेछापका पुर्व क्षेत्रिय सदस्य सुमन चौहन (माइकाल) लगायतले आफ्नो आफ्नो धारणा राखेका थिए ।
