Miss Grand Nepal 2025 की विजेता चाहना प्रधानलाई गृहजिल्ला रामेछापको मन्थली नगरपालिका–६ स्थित घरमा भव्य स्वागत गरिएको छ। काठमाडौंबाट फर्किएकी प्रधानलाई गाउँमै पञ्चे बाजाको धुनमा फूलमाला र खादासहित सम्मानपूर्वक स्वागत गरिएको हो।
उक्त अवसरमा गाउँका करिब १५० जना स्थानीयबासी, आफन्तजन, जनप्रतिनिधि तथा शुभचिन्तकहरूको बाक्लो उपस्थिति रहेको थियो। स्वागत कार्यक्रमलाई सांस्कृतिक माहोलले झनै उत्साहपूर्ण बनाएको थियो। नाचगान, बाजागाजा, र स्थानीय समुदायको आत्मीय उपस्थितिले कार्यक्रमलाई भव्य बनाएको हो।
कार्यक्रममा Miss Grand Nepal का आयोजकहरू, विजेता चाहना प्रधान सहभागी थिए। आयोजक संस्थाको तर्फबाट RK Entertainment का अध्यक्ष राम केसीले बोल्दै सम्पूर्ण रामेछापवासीलाई बधाई र धन्यवाद व्यक्त गरे। उनले चाहनाको जितले सिङ्गो जिल्लाको नाम उच्च बनाएको भन्दै गर्वको अनुभूति व्यक्त गरे।
त्यसैगरी, स्थानीय तहको तर्फबाट रामेछाप नगरपालिका वडा नं. ८ का पूर्व अध्यक्षले विजेता प्रधानलाई शुभकामना दिँदै स्वागत मन्तव्य राख्नुभएको थियो। उहाँले यस्तो उपलब्धिले जिल्लाका युवायुवतीलाई प्रेरणा दिने विश्वास व्यक्त गरे।
समारोहमा गाउँलेहरूले ढोल, मादल, झ्यालीको तालमा नाचगान गर्दै रमाइलो गरेका थिए। सम्पूर्ण गाउँलेहरू चहानाको जितमा गौरवान्वित हुँदै हार्दिक शुभेच्छा र बधाइ व्यक्त गरिरहेका थिए।
