कपिलबस्तु । नेपाली काँग्रेस कपिलवस्तु क्षेत्र नम्बर ३ मा महासमिति सदस्य चयनको विषयलाई लिएर विवाद भएको छ । नीति र विधिविपपरीत महासमिति सदस्य चयन गरिएको भन्दै केन्द्रमा आधा दर्जन महाधिवेशन प्रतिनिधिले केन्द्रमा उजुरी दिएका छन् ।
आधा दर्जन महाधिवेशन प्रतिनिधिले महासमितिका लागि पुनः निर्वाचनको माग गरेका छन् । आफू निकट महाधिवेशन प्रतिनिधिलाई मात्र महासमिति सदस्य छनोट गरी अन्य माहधिबेशन प्रतिनिधिलाई जानकारी समेत नगराई एकलौटी ढङ्ग बाट केन्द्रमा नाम पठाएको भन्दै केन्द्रमा उजुरी गरेका हुन । महाधिवेशन प्रतिनिधि अभिषेक प्रताप शाह, कमलबहादुर क्षेत्री, सुशीला बेल्वासे, नैनकला रेग्मी, प्यार मोहमत मिया, राधिका माली लगाएतले हस्ताक्षर गरी खारेजीको माग गर्दै उनीहरूले केन्द्रमा पठाएका हुन् ।
उनीहरूले १४औँ महाधिवेशनका प्रतिनिधिसँग सल्लाह नै नगरी, बैठक नै नबोलाई केन्द्रीय सदस्य रूपा विकको उपस्थितिमा क्षेत्रीय सभापति ब्रह्मानन्द उपाध्याय, महाधिवेशन प्रतिनिधि वीरेन्द्र कनौडिया लगायतले एकपक्षीय रूपमा महासमिति प्रतिनिधि छनौट गरेको आरोप लगाएका छन् । उनीहरूले सो कार्य पार्टीको विधान विपरीत रहेको भन्दै सच्याउनका लागि पुनः निर्वाचन गर्नुपर्ने अडान राख्दै केन्द्रमा उजुरी हालेका हुन् ।
दलित कोटा बाट केन्द्रीय सदस्य बनेका रूपा बि.क. को समर्थनमा क्षेत्रीय सभापति ब्रह्मानन्द उपाध्याय, महाधिवेशन प्रतिनिधि वीरेन्द्र कनौडिया लगायतले एकपक्षीय रूपमा महासमिति सदस्य छनोट गरेका हुन् । बिक सहितको समूहले बलमिचाइ गरेर आफू निकटकालाई मात्रै महासमिति सदस्य बनाएका छन् । दलित कोटाबाट महाधिवेशन प्रतिनिधि र केन्द्रीय सदस्य बनेकी विकले अहिले खुल्ला महिला क्लस्टरमा आफूलाई विधान विपरीत सिफारिस गरेको निवेदनमा उल्लेख छ ।
महासमिति छनौट प्रक्रिया अलोकतान्त्रिक, विधान विपरीत र जनताको भावना विपरीत भएको भन्दै अहिलेको सिफारिस कार्यान्वयन नगरी पूर्ण सहमति वा निर्वाचनको माध्यमबाट महासमिति सदस्य छनौटको व्यवस्था मिलाइदिन माग गरिएको छ । साथै उनीहरूले क्षेत्रीय सभापति उपाध्यायले संघीय चुनाव मा उम्मेदवार सिफारिस गरे बापत सिफारिस गरिएका उम्मेदवार बाट अनुचित रूपमा सस्थागत नभई ब्यक्तिगत रूपमा केहि उम्मेदवारबाट पैसा उठाएको र अन्य सिफारिस उम्मेदवार बाट केहि रकम माग गरेर आफ्नो पदको दुरुपयोग गरि आर्थिक लाभ लिएकाे भन्दै आवश्यक परे प्रमाण पेश गर्ने पनि जनाएका छन् ।
महाधिवेशन प्रतिनिधि सुशीला वेल्वासेका अनुसार महासमिति सदस्य चयनको लागी महाधिवेशन प्रतिनिधि सदस्यहरू सँग बसेर कम्तीमा छलफल हुन पर्थ्यो । त्यो सम्म हुन सकेन । विधान त छलफल बाट सहमति जुट्न नसके निर्वाचनमा जान पर्ने हो । हामी निर्वाचनमा जान परे पनि तयार छौँ । सहमतिका लागी छलफल गर्न पनि तयार छौँ । एक पक्षीय ढङ्ग बाट पठाएको नामको पक्षमा हामी सहमति गर्न सक्दैनौँ । यसको विरोधमा हामी लडी रहन्छौ बेल्वासेले भने । पुर्व केन्द्रिय सदस्य समेत रहेका नि वर्तमान प्रतिनिधि सभा सदस्य माननीय अभिषेक प्रताप शाह जो काँग्रेस कपिलवस्तुको धरोहर हो उहाँको नाम छैन । म आफैले अधिवेशनमा क्षेत्रको मात्र नभई जिल्लाको सबै भन्दा बढी मत ल्याएको हो । कमल बहादुर क्षेत्री जस्ता व्यक्तिको कदर नगर्ने कार्यकर्ताको मतको सम्मान न गर्ने हो भने काँग्रेस पार्टी कसरी रहन्छ । बारम्बार जिल्लामा काँग्रेसले पराजय भोग्न पर्ने समस्या आउने कारण यही हो । हामी जस्ता नयाँ युवा पुस्ताले अब के सिक्ने बेल्वासेले भने ।
