सन्तोष ढुङ्गेल
रामेछाप– रोजगारीको लागी दैनिक सयौ युवाहरु बिदेश गइरहेकोे अवस्थामा रामेछापको सुनापति गाउँपालिका–५ आहाल डाँडाका मौरी कृषक श्रीकृष्ण श्रेष्ठले मौरी पालन ब्यवसायबाट राम्रो आम्दानी गर्दै आएका छन् । २०७२ सालदेखि ब्यवसायिक रुपमा मौरी पालन सुरु गरेका श्रेष्ठले वार्षिक लार्खौ रुपैयाँ आम्दानी गर्न सफल भएका हुन् । कामलाई सानो ठुलो नसम्झने हो भने नेपालमा पनि राम्रो सम्भाबना रहेको उनको दाबी रहेको छ । अर्काको देशमा गर्ने श्रम र बगाउने पसिना नेपालकै माटोमा बगाउन सके त्यहाको भन्दा दोब्बर कमाइ गर्न सकिने श्रेष्ठ बताउछन् ।
२०७१ सालमा जिल्ला कृषि विकास कार्यालय रामेछापबाट मौरी पालन ब्यवसाय सम्बन्धि तालिम पाएपछि श्रेष्ठले ‘आहालडाँडा उन्नत मौरी फार्म’ दर्ता गरि मौरी पालन तथा घार निर्माण ब्यवसाय सुरु गरेका थिए ।
३० लाख रुपैयाँ लागानीबाट ब्यवसायिक मौरी पालन सुरु गरेका श्रेष्ठले मह साथै मौरीको घार उत्पादन गरि बिक्रीवितरण गर्दै आएका छन् । १ केजी महलाई एक हजार रुपैयाँ पर्दछ भने एक घार मौरी ८ हजार रुपैयाँमा बिक्री हुने उनले बताए । गएको जेष्ठमा ८० घार, कार्तिकमा ४५ घार र ३ सय केजी मह बिक्रीबाट ६ महिनामा १३ लाख रुपैयाँ आम्दानी भएको कृषक श्रेष्ठले जानकारी दिए । हाल २ सय ५० घार मौरी रहेको र आगामी जेष्ठ महिनासम्ममा ७ सय घार पु¥याउने उद्देश्य रहेको कृषक श्रेष्ठको भनाई छ ।
उनले मौरीको घार बनाउन कारखाना नै सञ्चालन गरेका छन् । घार बनाउने कारखानामा दुई जनाले रोजगारी समेत पाएका छन् । मौरीको घार निर्माणबाट मासिक १ लाख रुपैयाँ आम्दानी हुने ‘आहालडाँडा उन्नत मौरी फार्म’ मार्फत घार निर्माण गर्दै आएका सिकर्मी ललित केसीले बताए । दैनिक ३ देखि ४ वटा सम्म मौरीको घार निर्माण गरिने र एउटा घारको १ हजार रुपैयाँ ज्याला लिने गरेको केसीको भनाई छ । मौरी पालक कृषक श्रेष्ठले मौरी पालन ब्यवसायसँगै फलपूmल तथा तरकारी खेती र बाख्रा पालन ब्यवसाय समेत सञ्चालन गर्दै आएका छन् । फलपूmलको विरुवामा मौरीले परागसेचन गर्दा फलपूmल फष्टाउने भएकाले फलपूmल उत्पादनमा पनि बृद्धि भएको कृषक श्रेष्ठको भनाई छ ।