रामेछाप । गतवर्ष मात्रै ३ मुरी मास उत्पादन भएको बारीमा यसवर्ष २ माथी मात्र उव्जनी भएपछि रामेछाप नगरपालीका वडा नं ८ राताटोलका मानवहादुर श्रेष्ठ अब आउने सिजनमा मास खेती लगाउने कि नलगाउने भन्ने चिन्ता किसानहरुमा बढेको छ ।
बर्षेनी मास उत्पादनमा गिरावट आउन थालेपछि बाली लगाउने सिजनमा अन्य वाली पो लगाउने हो की भन्ने सोचाईमा आफु पुगेको श्रेष्ठ वताउँछन् । एकवर्ष अघि मात्रै ३ मुरी मास विक्री गरेर ६६ हजार रुपैयाँ कमाउन सफल भएका उनी यसवर्ष २ माथी मासमा चित्त वुझाउन वाध्य भएका हुन् । श्रेष्ठ मात्र हैनन् त्यस क्षेत्रमा लगाएका सबै किसानहरुको मास विगत वर्षको तुलनामा कमी आएको हो ।
अन्य वालीको तुलनामा मास खेती कम लगानी र कम दुःख गर्दा सहजै राम्रो आम्दानी हुने र वजारको माग अत्याधिक मात्रामा भएकाले पनि किसानहरु अन्य वालीको तुलनामा मास खेती तर्फ वढी आर्कषित भएका हुन् । वजारमा गहत, मस्यागं भन्दा वढी मूल्य मासमा आउने भएकाले पनि किसानहरुको आकर्षण मासमा देखीएको हो ।
किसानहरुले खेती लगाउने समयमा प्रयाप्त मात्रामा वर्षात नहुनु र लगाइएको वालीमा समेत विभिन्न प्रकारका प्रकोपहरु देखा परेका कारण उत्पादनमा गिरावट आएको किसानहरु वताउँछन् ।विगत वर्षहरुमा आफुले घरमा खाएर वाँकी रहेको मास बिक्री गरेर राम्रो आम्दानी गरेका किसानहरु अहिले आफ्नै घरमा खान सम्म उत्पादन नभएपछि उनीहरु अहिले आफैले किनेर खानु पर्ने भएको बताउँछन् ।
किसानहरुले उत्पादन गरेको मास, वोडी, केराउ, गहत र मस्यागं वजार तथा हाटहरुमा सहजै विक्रि वितरण हुने गरेको छ । अन्य वालीको तुलनामा यी वालीको मुल्य समेत राम्रो आउने गरेको छ । रामेछापमा उत्पादीत गेडागुढीहरु रामेछापको अलावा छिमेकी जिल्ला दोलखा, सिन्धुली, काभ्रेपलाञ्चोक र काठमाण्डौं सम्म कोसेलीको रुपमा लैजाने गरेका छन् ।