रामेछाप । आगामी मंसिर ४ गते हुन लागेको प्रतिनिधिसभा सदस्य र प्रदेश सभा सदस्य निर्वाचनको लागि नेकपा माओवादी केन्द्र रामेछापले प्रतिनिधिसभा सदस्यमा ११ र प्रदेश सभा सदस्य पदमा २३ जनाको नाम सिफारिस गरेको छ ।
पार्टीले प्रतिनिधिसभा सदस्य प्रत्यक्ष तर्फ ६ जना र समानुपातिक तर्फ ५ जना रहेका छन् । जसमा दोरम्वा शैलुङ गाउँपालिकाका पूर्व अध्यक्ष कमानसिं मोक्तान, पुर्व संविधान सभा सदस्य डिल्लीमान तामाङ र लक्ष्मी गुरुङ, नेता विक्रम रानामगर, पार्टीको पोलिटव्युरो सदस्य एवं विदेश विभाग प्रमुख युवराज चौलागाई र संघीय सांसद श्यामकुमार श्रेष्ठको नाम सिफारिस गरेको हो ।
त्यसैगरी पार्टीको वैठकले समानुपातिक तर्फ नरेश बाबु श्रेष्ठ, सुनिता गौतम, श्यामनारायण श्रेष्ठ, श्रीबहादुर माझी र उद्धव रम्तेलको नाम सिफारिस गरेको छ । त्यस्तै प्रदेश सभा सदस्य प्रत्यक्षका लागि पूर्व संविधानसभा सदस्य तारानारायण श्रेष्ठ र सुनापति गाउँपालिका पूर्व अध्यक्ष धावा लामा लगाएत प्रत्यक्ष र समानुपातिक गरि २३ जनाको नाम सिफारिस गरिएको नेकपा माओवादी केन्द्र रामेछापका जिल्ला अध्यक्ष मैनकुमार मोक्तानले जानकारी दिए ।
