रामेछाप । त्रिनेत्र अध्यात्म चिन्तन केन्द्र जिल्ला समिति रामेछाप र नेपाल महिला मगर संघ रामेछापले संयुक्त रुपमा तीनवटा सामुदायिक विद्यालयका शिक्षक र शिक्षीकालाई स्वाथ्य सामाग्री हस्तान्तरण गरेका छन् ।
जिल्लामा दोश्रो लहरको कोरोनाका कारण धेरै शिक्षक, शिक्षिका र विद्यार्थीहरुमा कोरोना संक्रमण देखिन थालेपछि त्यसवाट जोगिन दुईवटा संस्थाहरु मिलेर स्वास्थ्य सामाग्री प्रदान गरिएको हो । दुईवटा संस्था मिलेर पहिलो चरणमा मन्थली नगरपालिका वडा नं ४ सालुमा रहेको श्री सेतीदेवी माध्यमिक विद्यालय, रामेछाप नगरपालिकाको वडा नं २ देउरालीको सितलादेवी माध्यमिक विद्यालय र रामेछाप नगरपालिका वडा नं ४ हिमगंगामा रहेको श्री रेणुकादेवी माध्यमिक विद्यालयका शिक्षक र शिक्षीकालाई स्वास्थ्य सामाग्री उपलव्ध गराएको हो ।
दुईवटै संस्थाका पदाधिकारीहरु विद्यालयमा पुगेर त्यहाँका शिक्षकहरुलाई हस्तान्तरण गरेका हुन् । संस्थाले वितरण गरेको स्वास्थ्य सामाग्रीहरुमा सर्जिकल माक्स, डिटोल हेन्डवास, सेनीटाइजर, डिटोल सावुन लगाएतका सामाग्रीहरु प्रदान गरेको हो । कोरोना महामारीका विच जिल्लाका विभिन्न स्वास्थ्य संस्थाहरुमा विभिन्न सहयोग पुगेता पनि अहिलेसम्म सामुदायिक विद्यालयमा कसैको आँखा नपुगेको भन्दै ती विद्यालयलाई सहयोग प्रदान गरिएको नेपाल महिला मगर संघ रामेछापकी कोषाध्यक्ष अन्जना राना मगरले जानकारी दिइन ।
दुर्गम गाउँका दुरदराजमा रहेका सामुदायिक विद्यालयमा अहिलेसम्म कोरोना महामारीमा कसैले पनि सहयोग उपलव्ध गराएका छैनन् । विद्यालयमा स्वास्थ्य सामाग्री खरिद गर्न आवश्यक वजेट नहुँदा कुनै पनि स्वास्थ्य सामाग्री खरिद गर्न नसकीरहेको अवस्थामा दुईवटा संस्था मिलेर स्वासथ्य सामाग्री विद्यालयमा नै आएर उपलव्ध गराएकोमा अन्यन्तै खुशी लागेको श्री रेणुकादेवी माध्यमिक विद्यालयका प्रध्यानध्यापक रामचन्द्र कार्कीले जानकारी दिए ।
दुईवटा संस्था मिलेर पहिलो चरणमा तीनवटा सामुदायिक विद्यालयका शिक्षक र शिक्षीकालाई स्वास्थ्य सामाग्री गरेता पनि अन्य विद्यालयहरुलाई पनि स्वास्थ्य सामाग्री वितरण गर्ने योजना रहेको त्रिनेत अध्यात्म चिन्तन केन्द्रका जिल्ला अध्यक्ष पार्बती कार्कीले जानकारी दिइन । उनले भनिन्– हाम्रो संस्थामा श्रोतसाधनको कमी भएता पनि अन्य सहयोगी दाताहरुसँग समन्वय गरी जिल्लाका अन्य विद्यालयहरुलाई पनि स्वास्थ्य सामाग्री उपलव्ध गराउँदै जाने अध्यक्ष कार्कीले बताइन ।
