बुटवल । लुम्बिनी सांस्कृतिक नगरपालिकाका नगर प्रमुख सजरुद्दिन मुसलमान (खान) को हृदयघातका कारण निधन भएको छ । गरपालिकाका वडा नं. ३ का वडाध्यक्ष अकरामुद्दिन नाउ मुसलमानका अनुसार मेयर खानको आज बिहान ९ बजे स्वास्थ्यमा समस्या देखिएपछि युनिभर्सल मेडिकल कलेज भैरहवा लैजाने क्रममा बाटोमै निधन भएको हो।
७० वर्षीय मेयर खान शुक्रबार मात्र मलेशिया भ्रमणबाट फर्किएका थिए। वडाध्यक्ष मुसलमानले भने, “हिजो राति उहाँ राम्रै हुनुहुन्थ्यो, बिहान उठेपछि स्वास्थ्यमा समस्या देखियो, मेडिकल कलेज लैजादैँ गर्दा बाटोमै उहाँको निधन भयो।” नेपाली कांग्रेसबाट निर्वाचित भएका मेयर खानको अन्त्येष्टि आजै साँझ ५ बजे स्थानीय कब्रिस्तानमा परम्परागत रुपमा गरिने नगरपालिकाका समन्वयकर्ता तुलसीराम लामिछानेले जानकारी दिएका छन्।
