रामेछाप । जिल्लाको लिखुतामाकोशी गाउँपालिका वडा नम्बर २ शैपुका सिरिसेमा जिल्ला स्तरियल राष्ट्रपति रनिङ शिल्ड प्रतियोगिता सुरु भएको छ । सरिसेमा बुधबारवाट शुरुभएको दशौं जिल्ला स्तरीय राष्ट्रपति रनिङ शिल्ड प्रतियोगितामा जिल्लाको ८ वटै पालिकाको खेलाडीहरुको सहभागिता रहेको थियो ।
जिल्ला खेलकुद विकास समितिका अध्यक्ष सरोज घागा मगरको अध्यक्षतामा सम्पन्न उक्त प्रतियोगिताको उद्घाटन प्रतिनिधि सभा सदस्य पूर्ण बहादुर तामाङ, कान्छारामले गरेका छन् ।
कार्यक्रको उद्घाटन गर्दै प्रतिनिधि सभा सदस्य तामाङले विकास निर्माणको काममा रामेछाप जिल्लावाट प्रदेश र संघ मा प्रतिनिधित्व गर्ने सबै सांसदहरु एक ठाउमा उभिने बताएका छन् । संसद तामाङले भने सिरिसेमा सञ्चालन भएको हाइड्रोपावरले सामाजिक उतरदाहित्व अनुसार काम नगरेको त्यसो नगर्न आग्रह गरे ।
लिखु खोलामा छाड्नु पर्ने १० प्रतिशत पानी नछाडेका कारण खोला सुक्दै जादा स्थानीय सिंचाई सुबिधा बाट बञ्चितहुदा कृषि योग्य जमिन बाँझो बस्न परेको बताए ।
त्यस्तै गरि प्रदेश सभा सदस्य आनन्द श्रेष्ठ ले हाइड्रो पावरले स्थानीय रुपमा गुनासो नआउने गरी काम गर्नु पर्ने कुरामा जोड दिदै उनले हरेक वर्ष गरिने रनिङ शिल्ड फरक फरक पालिकामा गर्दा राम्रो हुने धारणा राखे ।
कार्यक्रमका अबसरमा रामेछाप नगरपालिकाका नगर प्रमुख लवश्री न्यौपाने, लिखु तामाकोशी गाँउपालिकाका अध्यक्ष केशव महत, मन्थली नगरपालिकाकी उप प्रमुख इश्वरी बस्नेत, काग्रेसका नेता कृष्ण महत, लगाएत बिभिन्न दलका प्रतिनिधिहरु पत्रकार महासंघका अध्यक्ष बद्रि नयाँघरे, वडा नं २ सैपुका वडा अध्यक्ष सन्तोष पौडेल लगाएतले आ आफ्नो धाराणा राखेका थिए ।