ओखलढुङ्गा । लिखु अध्यक्ष कपको फाइनलमा पुरुष तर्फ आयोजक लिखु गाउँपालिका टिम ए र चम्पादेवी गाउँपालिका फाइनल प्रवेश गरेको छ । लिखु गाउँपालिकाले आयोजना फागुन ३० गते देखी सुरु भएको पालिका स्तरीय महिला तथा पुरुष भलिबल प्रतियोगिता अन्तर्गत तेस्रो दिनको खेल सम्पन्न भएको आयोजकले जनाएको छ । तेस्रो दिनको खेल सकिदा पुरुष तर्फ आयोजक लिखु गाउँपालिका टिम ए र चम्पादेवी गाउँपालिका फाइनल प्रवेश गरेको हो ।
चिशंखुगढी गाउँपालिकालाई ३–० को सोझो सेटमा पराजित गर्दै लिखु ए फाइनल प्रवेश गरेको हो । त्यस्तै चम्पादेवी गाउँपालिकाले पनि सेमिफाइनलमा लिखु तामाकोकी गाउँपालिका रामेछापलाई ३–० कै सोझो सेटमा पराजित गरेर फा नलमा प्रवेश गरेको छ ।
प्रतियोगिता अन्तर्गत शुक्रवार सम्पन्न खेलमा लिखु गाउँपालिका ए ले लिखु गाउँपालिका टिम सी लाई, चिशंखुगढी गाउँपालिकाले खिजिदेम्बा गाउँपालिकालाई, चम्पादेवी गाउँपालिको लिखु गाउँपालिका टिम डी लाई र लिखु तामाकोकी गाउँपालिकाले लिखु गाउँपालिका टिम बी लाई पराजित गर्दै सेमिफाइनलमा प्रवेश गरेको थियो ।
त्यस्तै महिला तर्फ शुक्रवार सम्पन्न पहिलो सेमिफाइनल खेलमा माप्य दुधकोशी गाउँपालिका सोलुखुम्बुले लिखु तामाकोकी गाउँपालिका रामेछापलाई ३–० को सोझो सेटमा पराजित गर्दै फाइनलको यात्रा तय गरेको छ । आज शनिवार दोस्रो सेमिफाइनल खेल आमचोक गाउँपालिका भोजपुरले मानेभञ्ज्याङ्ग गाउँपालिका ओखलढुङ्गालाई ३–० सेटमा जित हात पारेको छ ।
