नेपाल विद्युत प्राधिकरणका निर्वतमान कार्यकारी निर्देशक कुलमान घिसिङ एका एक आफुले अध्ययन गरेको विद्यालयमा विद्यार्थीहरु माझ देखिएका छन् ।
रामेछापको सुनापती गाउँपालिका–४ बेथानको कुशेश्वर माविमा विद्यार्थीमाझ देखएका घिसिङले कक्षा ९ र १० का विद्यार्थीहरुलाई आफ्नो जिन्दगीको भोगाई र अनुभबहरु बताउका छन् । घिसिङले कुनै पनि काममा सफलता हात पार्नको लागि मानिसले मन बचन र कर्मको साथ काम गर्नु पर्ने बताए । आफुले पाएको जिम्मेवारी पूरा गर्न मन बचन र कर्मको साथ काम गरे केहि पनि कुरा असम्भव नहुने भन्दै सबैले सोहि अनुसार काम गर्नु पर्ने बिद्यार्थी हरुलाई बताए ।
घिसिङले ठूलो मानिस सबै जना हुने भन्दै असल मानिस बन्न सिक्नु पर्ने आफुले अध्यन गरेको बिद्यालयका बिद्यार्थीहरुलाई बताएका छन् । युबाहरुलाई सामाजिक सञ्जाललाई सही ढंगले सदुपयोग गर्नुपर्ने सुझाव समेत दिएका थिए । सञ्चार माध्यममा सुन्दै र पढदै आएका घिसिङ अचानक कक्षामा प्रवेश गर्दा विद्यार्थीहरु खुसी हुदै घिसिङलाई प्रश्न समेत गरेका थिए ।
लोडसेडिङ हटाएर नागकिरहरुको बीचमा लोकप्रिय बन्न सफल भएका घिसिङ अचानक आफूले अध्ययन गरेको विद्यालयको अवस्था र आगामी योजनाको बारेमा जिज्ञासा राख्न र बिद्यार्थीहरुमाझ आफ्नो अनुभब राख्न आएको देख्दा आफुलाई खुशी लागेकोे विद्यालयका प्रअ कमानसिंह तामाङले बताए ।
आगामी दिनमा विद्यालयको शैक्षिक गुणस्तर सुधार गर्न आफु भूपु विद्यार्थीको हैसियतमा सक्दो सहयोग गर्ने घिसिङले बताएको प्रअ तामाङले बताए । घिसिङले कक्षा ४ र ५ रामेछापको बेथानमा रहेको कुशेश्वर माविमा अध्यन गरेका थिए ।
