रामेछाप । मन्थली नगरपालिकाका प्रमुख रमेश कुमार बस्नेतले राज्यलाई कर तिर्नु नागरिकको दायीत्व भएकोले कर तिरेर जिम्मेवार नागरिक बन्नका लागि सबै पेशा ब्यवसायी सँग आग्रह गरेको छ । दशौं राष्ट्रिय कर दिवसको अवसरमा करदाता सेवा कार्यालय मन्थलीको आयोजना र रामेछाप उद्योग वाणिज्य संघको समन्वयमा भएको कर सप्ताहाको उद्घाटन् कार्यक्रममा बोल्दै नगर प्रमुख बस्नेतले सो कुरा बताएका हुन् । नगर प्रमुख बस्नेतले राज्यलाई कर तिर्नु पर्दा दुख मन गर्ने संस्कार गलत रहेकाले कर तिरेर जिम्मेवार नागरिक बन्नका लागि सबै पेशा ब्यवसायी सँग आग्रह गरेका हुन् ।
आम्दानी हुनेले मात्र राज्यलाई कर तिर्नु पर्ने भएकोले कर असुलिलाई सकरात्मक तरिकाले बुझेर राज्यलाई सहयोग गर्न पनि प्रमुख बस्नेतले सर्ब साधारणलाई आग्रह गरेका छन् । करोडौको गाडि चढेर बीस रुपैया कर तिर्न झगडा गर्नेहरु पनि समाजमा रहेको उदाहरण प्रस्तुत गर्दे प्रमुख बस्नेतले हामिले तिरेको करबाट मात्र समाज र मुलुकको सम्बृद्धि संभब हुने भएकोले सबैलाई करको दायरामा आउन पनि आग्रह गरेका छन् ।
रामेछाप उद्योग बाणिज्य संघका अध्यक्ष केशब घिमिरेको अध्यक्षतामा भएको उक्त कार्यक्रममा प्रमुख जिल्ला अधिकारी दीपक पहाडी,करदाता सेवा कार्यालयका प्रमुख कृष्ण प्रसाद न्यौपाने नेपाल पत्रकार महासंघ रामेछापका अध्यक्ष बद्री नयाँघरे, उद्योग वाण्ज्यि संघ वागमति प्रदेशका सदस्य श्याम थापा , रामेछाप उद्योग वाणिज्य संघ रामेछापका महासचिब नबराज ढुँगेल लगाएतका बक्ताहरुले कर दीवस र त्यसको महत्वका बारेमा जानकारी गराएका थिए । कार्यक्रम अघि कर कार्यालयबाट निस्किएको र्यालीले बजार परिक्रमा गरेको थियो ।
