मरिण गाउँपालिका–७ छापस्थित कपिलाकोट माध्यमिक विद्यालयमा ‘विद्यार्थीसँग जनप्रतिनिधि’ कार्यक्रम सम्पन्न भएको छ। मरिण गाउँपालिकाको आर्थिक सहयोगमा खाँडादेवी मिडिया ग्रुप प्रालिद्वारा आयोजित कार्यक्रममा विद्यार्थीहरूले विद्यालय र स्थानीय समस्याबारे प्रश्न राखेका थिए।कार्यक्रममा गाउँपालिका अध्यक्ष विमर्स मुक्तानले विद्यालयको खानेपानी समस्या हल गर्न दुई–चार दिनभित्रै मोटर मर्मत गर्ने, यसै वर्ष कार्यालय सहयोगी र आवश्यक शिक्षक दरबन्दी थप गर्ने प्रतिबद्धता जनाउनुभयो। उहाँले प्रदेश सरकारबाट प्राप्त रु. २५ लाख बजेटमार्फत ठुलीदमार खैर्सार खानेपानी आयोजनाको प्राविधिक समस्या सुल्झाएर घर–घरमा पानी पुर्याइने र छात्राहरूलाई थप सेनेटरी प्याडको व्यवस्था गरिने समेत उल्लेख गर्नुभयो।विद्यालयका प्रधानाध्यापक अमृतसिं घिसिङ र व्यवस्थापन समिति अध्यक्ष राजकुमार श्रेष्ठले विद्यार्थीका गुनासो समाधान गर्दै शैक्षिक सुधारमा लाग्ने प्रतिबद्धता जनाउनुभयो। आयोजक संस्थाका सञ्चालक सागर बोहराले विद्यार्थीमा प्रश्न गर्ने सीप विकास गराई सरोकारवालालाई जिम्मेवार बनाउन कार्यक्रम आयोजना गरिएको बताउनुभयो।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
