रामेछाप । सिङ्गो जिल्लाको पहिचान सँग जोडिएको मन्थली नगरपालीकाका प्रमुख प्रशासकिय अधिकृत लिलाराज पौडेल र उनका लेखा अधिकृत अनन्त सापकोटा कमाई धमाईमा निकै खप्पिस छन् ।
यस अघिका नगर प्रमुख रमेश बस्नेतको समेत आँखा छलेर कार्यपालीकामा शासकिय र आर्थिक डण्डा चलाएर दाम कमाउन खप्पिस उनीहरुले त्यसका लागि थप कुकर्महरु गरेको विवरणहरु पनि सार्वजनिक भएका छन् ।
यस अघि कार्यपालीका भित्र हुने गरेका अनेकौ विवाद र विमतीहरुलाई कम्जोरीको आधार बनाएर मुद्रा कमाईको कुशल ब्यवस्थापकको रुपमा आफनो पहिचान बनाएका पौडेल र सापकोटाको कुशासनबाट नगर भित्रका कर्मचारिहरु पनी हैरानी भएका छन् । जसको प्रमाण बिगतमा मन्थली नगरपालिकाको लेखाअधिकृत एक कार्यकाल बिताएर सरुवा भएर गएका लेखा अधिकृत सापकोटा पुनः सरुवा भएर मन्थली नगरपालिकामै फर्किएर आएको घटनाबाट पुष्टि हुन्छ । यसको लागि पनि प्रमुख पौडेल सेटिङ्गको लागि परेका थिए । हुन त कुनै पनि कार्यालयको कुशल ब्यवस्थापन र शुसानको लागि त्यहाँको कार्यालय प्रमुख नै पारदर्शी हुनुपर्छ । तर उक्त पालिकामा भने ठीक त्यसको विपरित कृयाकलाप हुने गरेको तथ्यहरु बाहिर आएका छन् ।
प्राप्त विबरण अनुसार कार्यालय समयमानै प्रायः ढोका लगाएर मुद्रा ब्यवस्थापनको जोड घटाउ धन्दामा सामेल हँुदै आएका पौडेल र सापकोटाले नगरको सूचनामा पनि भ्रष्टाचार गरेको प्रमाणहरु समेत प्राप्त भएका छन् । जस अनुसार उनीहरुले कार्यालयको सूचनाहरु प्रकाशित गर्दा केन्द्रिय स्तरका दैनिक पत्रिका तथा विज्ञापन एजेन्सीहरु संँगको मिलेमतोमा रकम असुल्ने गरेका छन् । त्यसका लागि उनिहरुले जिल्ला स्थित संचारमाध्यमा प्रतिनिधिहरुको समेत आँखा छलेर प्रति सूचना बराबर ४० प्रतिशतसम्म कमिसन लिने गरेको रामेछापका संचारकर्मी संतोष ढुुंगेलले बताए ।
कमिसन असुलीको अभियानमा पत्रकार ढुंगेल मात्र हैन जिल्लाका अन्य थुप्रै पत्रकारहरु पनि त्यसको सिकार हुन पुगेका छन् । जिल्ला प्रतिनिधिको हैसियतले सूचना प्रकाशनको बारेमा खोजी गर्दा प्रमुख पौडेलले सूचना प्रकाशनमा लाग्ने कुल रकमको सिधै ४० प्रतिशत कमिसन पनि माग गर्नै गरेका छन् । त्यसवाहेक उनीहरुले जिल्लाबाट प्रकाशन हुने पत्रिकाहरु हुँदाहुँदै पनि स्थानिय स्तरमा कमिसन नपाउने हुँदा ती पत्रिकाको आँखा छल्दै कार्यालयको सूचना बोकेर सिधै काठमाण्डौंमा पुगेर सूचनामा बार्गेनिङ गर्दै प्रकाशन गर्न लगाएर आफ्नो इच्छा अनुसार कमिसन असुल्ने गरेका छन् ।
त्यस्तै स्थानिय पत्रपत्रिकामा प्रकासित सूचनामा पनि पौडेलले लेखा अधिकृत सापकोटा मार्फत विज्ञापन रकमको ४० प्रतिशत रकम असुल्दै आएका छन् । त्यसबाहेक दुवैको मिलेमतोमा अन्य पत्रपत्रिका पनि कमिशनको शिकार भएका छन् । जसको प्रमाण कार्यालयसँग सुरक्षित रहेको छ ।
पछिल्लो शिकार जिल्लामा प्रकाशित स्मारिका खबर साप्ताहिक बनेको छ । पालिकाबाट प्रकासित भएका विभिन्न सूचनाको रकम भुक्तानीको लागि उक्त साप्ताहिकले नगरपालिकालाई बिल पठाएको थियो । उक्त बिलमा पनि पौडेल र सापकोटा दुवैले हानाथाप गर्दै ४० प्रतिशत कमिशन माग गरेका थिए । पछि उक्त कमिशन दिन नसक्ने खबर पत्रिकाबाट गएपछि उनीहरुले उक्त पत्रिकाको बिलको भुक्तानी समेत रोकेको थिए ।
बिलको भुक्तानी तरिका र बास्तबिक विवरणको खोजी गर्दा पनि दुवै जनाको मिलेमतोमा सूचना लुकाइदै आएको छ । यसरी उनीहरुले शुसान र पारदर्शीताको धज्जी उडाउँदै सिङ्गो नगरकै बदनाम हुने गरी काम गर्दा पनि सरोकारवालाहरुको ध्यान नजानु दुःखद कुरा भएको सरोकारवाला बिरेन्द्र श्रेष्ठ बताउँछन् ।
नगरकार्यपालिकाको सूचनामा देखिएको भ्रष्टचार अनियमितता माथि लागेको आरोपका सम्वन्धमा मन्थली नगरपालिकाका प्रमुख प्रशासकिय अधिकृत लिलाराज पौडेलसँग सम्र्पक गर्दा उनले आफुले सूचना प्रकाशनको बिषयलाई लिएर कसैसँग कमिशन पनि नलिएको दावी गरे ।
