रामेछाप । रामेछाप साँस्कृतिक कलाकार समाजको यहि मंसीर १० र ११ गते मन्थलीमा साधारणसभा तथा अधिवेशन हुने भएको छ । कलाकार समाजले आइतबार पत्रकार भेटघाट कार्यक्रम मार्फत जानकारी गराएका हुन् । वि.स २०६६ सालमा स्थापना भएको रामेछाप साँस्कृतिक कलाकार समाजको १२ औं साधारणसभा तथा चौथो अधिवेशन यस बर्ष भने मन्थलीमा गर्न लागेको हो । ११औं साधारण सभा भने काठमाण्डौमा सम्मपन्न गरिएको थियो ।
पत्रकार भेटघाट कार्यक्रममा कलाकार समाजका अध्यक्ष रामकुमार पौडेलले साधारणसभा तथा अधिवेशन सँगै स्रष्टा सम्मान तथा बृहत सांस्कृति कार्यक्रम पनि गरिने जानकारी दिए । जिल्लाको संस्कृतिको संरक्षण गर्ने उदेश्यले स्रष्टा सम्मान तथा बृहत सांस्कृति कार्यक्रम राखिएको अध्यक्ष पौडेलको भनाई छ । कलाकार समाजका बरिष्ठ उपाध्यक्ष कुमार कार्कीले रामेछापको शान, कला संस्कृति हाम्रो पहिचान भन्ने नाराका साथ कलाकार सामाजले विभिन्न कार्यक्रम गर्दै आएको बताए । २०६६ सालमा स्थापना भएको यो संस्थाको १२ औं साधारणसभा तथा चौथो अधिवेशन पहिलो पटक रामेछाप सदरमुकाम मन्थलीमा गर्ने तयारी गरिएकाले यसलाई सफल पार्न सहयोग गर्न सवैलाई आग्रह गरेका छन् । उनले मंसिर १० र ११ गते दुईदिन हुने कार्यक्रममा स्थानीय तथा अतिथि राष्ट्रिय स्तरका कलाकारको विभिन्न सांगितिक प्रस्तुति रहने र स्रष्टा सम्मान कार्यक्रम पनि रहने भनाई छ । रामेछाप साँस्कृतिक कलाकार समाजका महासचिव युनिक विफा घिसिङले रामेछाप जिल्लामा जन्मिएर अहिले विभिन्न क्षेत्रमा रहेका कलाकारको हित र जिल्लाको संस्कृतिको संरक्षण गर्ने उदेश्यले संस्थाले निरन्तर काम गरिरहेको बताए । कलाकार समाजका निवर्तमान अध्यक्ष प्रकाश कटुवालले रामेछाप जिल्लामा जन्मिएका कलाकार र संस्थाको हितका लागि संस्थाले गर्ने सवै काममा आफ्नो पूर्ण सहयोग हुने जानकारी दिए । पत्रकार भेटघाट कार्यक्रममा कलाकार समाजका कोषाध्यक्ष गोविन्द गौतम सहित पालिका स्तरीय रामेछाप साँस्कृतिक कलाकार समाजका पदाधिकारीहरुको सहभागिता थियो ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
