रामेछाप । राष्ट्रिय परीक्षा बोर्डले यस वर्ष लिइएको कक्षा १२ को परीक्षाफल आज साँझसम्म प्रकाशन गर्ने तयारी गरेको छ ।
परीक्षा बोर्डले गएको जेठ १६ गतेदेखी २५ गतेसम्म सञ्चालन गरेको परीक्षाको नतिजा आज सार्वजनिक गर्ने तयारी गरेको हो । बोर्डमा कुनै प्राविधिक कठिनाई नआएको खण्डमा आज साँझसम्म नतिजा सार्वजनिक गर्ने गरी परीक्षा फलको अन्तिम रुजु गर्ने काम भइरहेको बोर्डका सदस्य सचिव दुर्गाप्रसाद अर्यालले जानकारी दिए । यसवर्ष लिइएको कक्षा १२ को परीक्षामा देशभरबाट ४ लाख १० हजारको हाराहारीमा परीक्षार्थीहरु सहभागी भएका थिए ।
