रामेछाप । खानेपानी व्यवस्थापनको लागी सेतीदेवी आधारभूत विद्यालयलाई मुक्तिनाथ विकास बैङ्क शाखा कार्यालय मन्थली शाखाले सहयोग गरेको छ । रामेछाप नगरपालिका वडा नं ७ सिम्लेमा रहेको सेतीदेवी आधारभूत विद्यालयलाई आइतबार मुक्तिनाथ विकास बैङ्क शाखा कार्यालय मन्थलीले २ हजार मिटर पाइप र पानी सङ्कलन गर्न १ हजार लिटरको २ वटा ट्याङ्की विद्यालयलाई हस्तान्तरण गरेको हो ।
विद्यालयमा खानेपानी सुविधा नहुँदा विद्यार्थी र शिक्षकले समस्या भोग्न परेको गुनासा आए सँगै बैङ्कका टोली विद्यालयमै पुगेर खानेपानी प्रबन्धको लागी आवश्यक सामाग्रीहरू हस्तान्तरण गरेको बैङ्कका शाखा प्रमुख बद्री रिमालले जानकारी दिए । रिमालले विद्यालयमा खानेपानी समस्या रहेको भन्ने खबर प्राप्त भए सँगै सामाजिक उत्तरदायित्व कार्यक्रम अन्तर्गत विद्यालयमा खानेपानीको लागी आवश्यक सहयोग गरेको बताउनु भयो ।
विद्यालयका प्रधानाध्यापक खिल बहादुर कार्कीले भने “विद्यालयले विगत लामो समय देखि खानेपानीको अभाव झेल्दै आएको थियो । आज मुक्तिनाथ विकास बैङ्कले ठुलो सहयोग गरेको छ । खानेपानी नहुँदा शिक्षक विद्यार्थी शौचालय जान समेत घर बाट पानी लिएर आउन बाध्य थियो । अब बैङ्कले सहयोग गरेको पाइप र ट्याङ्कीले उक्त समस्याको अन्त्य हुनेछ ।”
विद्यालयलाई ट्याङ्की ,धारा तथा पाइप सहयोगले विद्यालयमा सुरक्षित खानेपानीको पहुँच र शौचालयमा पानीको व्यवस्था हुने भन्दै प्रअ कार्कीले सहयोगी संस्थालाई धन्यवाद व्यक्त गर्नुभयो । भविष्यमा पनि यस्तै सहयोग र सहकार्य निरन्तर रहोस् भन्ने आशा राखेको उहाँले बताउनु भयो ।
मुक्तिनाथ विकास बैङ्क शाखा कार्यालय रामेछापका प्रमुख बद्री रिमाल,मानव मिलन नारी जागरण संस्थाका प्रतिनिधि एवं समाजसेवी सन्देश घिमिरे,पत्रकार, शिक्षक, अभिभावक सहितको उपस्थितिमा उक्त समाग्रीहरु हस्तान्तरण गरिएको हो । सेतीदेवी आधारभूत विद्यालय मुक्तिनाथ विकास बैङ्क शाखा कार्यालय मन्थली रामेछापले विद्यालयमै पुगेर खानेपानी प्रबन्धको लागी आवश्यक सामाग्रीहरू हस्तान्तरण गरेको हो ।
