रामेछाप । रामेछाप जिल्लाको खाँडादेवी गाउँपालिका–३ भिरपानीको सित्खा बजार नजिकै एकिकृत लहरे आँप तथा कृषि फर्म ले लगाएको लहरे आँप (प्यासन फ्रुट)लटरम्म फलेको छ । जसको कारण सित्खा बजारका राजेश कार्की र सम्बरबहादुर माझी खुसि छन् ।
कार्कि र माझी मिलेर आज भन्दा ६ बर्ष अघि शुरु गरेको लहरे आँप (प्यासन फ्रुट)यति बेला बार्षिक झण्डौ १५ लाख आम्दानि दिन्छ । एक लाखको लगानि बाट शुरु गरेको लहरे आँप (प्यासन फ्रुट) यति बेला आम्दानिको राम्रो स्रोत बनेको छ । एक बर्ष लगानि गरेपछी तिन बर्ष सम्म लगानि गर्न नपर्ने लहरे आँप (प्यासन फ्रुट)मा सर्वसाधरण कृषकहरुलाई आम्दानिको राम्रो स्रोत बनेको हो ।
दुई भाइ मिलेर ५ रोपनी जमिनमा करिब एकलाख लगानि बाट पाँच लाख बढी आम्दानी भएपछी अहिले खेती विस्तार गरी १४ रोपनीमा पु¥याइएको छ । जसबाट १५ देखि १८ लाख बढी गर्न सकिने एकिकृत लहरे आँप तथा कृषि फर्मका सञ्चालकहरुको अनुमान रहेको छ ।
६ वर्ष अघि पाँच रोपनी जमिनमा नमुनाको रूपमा लहरे आँप लगाइएको र अहिले १४ रोपनी जमिनमा खेती विस्तार गरिएको सञ्चालक राजेश कार्कीले बताए । उनले भने ‘पाँच रोपनी जमिनमा लगाइएको लहरे आँपले बजार र मूल्य दुवै राम्रो पायो, अहिले बढाएर १४ रोपनी जमिनमा खेती गरेका छौँ, अब वार्षिक १५ देखी १८ लाख रुपियाँ आम्दानी हुने अनुमान गरेका छौँ’, । उत्पादित आँप काठमाडौंका व्यपारिहरुले दुई सय देखि दुई सय पचास रुपियाँ सम्ममा खरिद गर्ने गरेको बताए ।
अहिले विभिन्न निकायको सहयोगमा ३० लाख रुपियाँ लगानीमा लहरे आँप खेतीको क्षेत्र विस्तार र प्रशोधन केन्द्र स्थापना बनाइएको सम्बरबहादुर माझीले बताए ।
उनले भने ‘‘कृषि ज्ञान केन्द्र रामेछापको १५ लाख, खाँडादेवी गाउँपालिकाको ७ लाख ५० हजार र बाँकी लाफ्नो लगानी गरी ३० लाख रुपियाँ लगानीमा प्रशोधन केन्द्र बनाइएको छ । लहरे आँपबाट बनेको जुसको नेपालको बजारमा मात्र होइन विदेशी बजारमा समेत उच्च माग छ ।’’ अब फल बिक्रीमा भन्दा पनि जुस उत्पादनमा ध्यान दिने उनिहरुले बताए ।
लहरे आँपको खेतीका लागि खाँडादेवी गाउँपालिका–३ सित्खामा उपयुक्त जमिन रहेको र यहाँ उत्पादन भएको आँपले राम्रो बजार पाएकाले किसानले राम्रो आम्दानी गरिरहेको खाँडादेवी गाउँपालिका अध्यक्ष ज्ञान कुमार श्रेष्ठले बताए । ‘अहिले राजेश कार्की र सम्बरबहादुर माझी लगायतका किसानहरूले व्यवसायीक रूपमा लहरे आँपको खेती गरिरहेको छ ।
उहाँहरुको मिहिनेतले आँपको उत्पादन पनि राम्रो र बजार पनि राम्रो छ, अन्य किसान पनि लहरे आँपको खेतीमा आकर्षित भएका छन् । हामिले केहि सहयोग पनि गरेका छौं अझै हामी के गर्न सकिन्छ बसेर छलफल गरेर सहयोग गर्ने छौं । गाउँपालिका अध्यक्ष श्रेष्ठले भने ।
