काठमाडौँ – सहकारी ठगी प्रकरणमा पुर्पक्षका लागि थुनामा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई रुपन्देही कारागारबाट सरुवा गरी काठमाडौँ ल्याइएको छ।
शनिबार दिउँसो बुद्ध एयरको विमानमार्फत भैरहवाबाट ल्याइएका लामिछानेलाई काठमाडौँस्थित नख्खु कारागार पुर्याइयो। उनलाई कारागार भित्र्याउँदा प्रवेशद्वार बाहिर नेता तथा कार्यकर्ताको भीड लागेको थियो। समर्थकहरूले नाराबाजी गर्दै रविको पक्षमा समर्थन जनाएका थिए।
लामिछाने २०८० साल चैत २५ गतेदेखि रुपन्देही कारागारमा थुनामा थिए। उनले जेठमै नख्खु कारागारमा सरुवाका लागि निवेदन दिए पनि गृह प्रशासनले प्रक्रिया अघि बढाएको थिएन। पछि अदालतको आदेशसँगै उनलाई राजधानीको नख्खु कारागार सारिएको हो।
