रामेछाप । जिल्लाको सुनापाती गाउँपालिका वडा नं–४ बेथानमा रहेको खाँडादेवी आधारभुत बिद्यालयलार्ई नेपाली कांग्रेसकी नेत्री एवं महाधिबेसन प्रतिनिधी बिनिता खड्काले एकथान टिभि प्रदान गरेकी छिन् ।
विश्व आधुनिक शिक्षातर्फ उन्मुख भइसक्दा पनि विद्यालयले पुरानै शैलिमा विद्यालयमा अध्यनरत बालबालिकाहरुलाई पढाउँदै आएको भन्दै विद्यार्थीहरुको सिप र क्षमता बिकासको लागि विद्यालयलाई टिभि प्रदान गरेको खड्काले जानकारी दिइन ।
जिल्लाको ग्रामिण भेगमा रहेको खाँडादेवी आधारभुत विद्यालयलाई प्रदान गरेको टिभिले विद्यालयमा अध्ययनरत बालबालिकाहरुको क्षमता बिकासको लागि बहुतै उपयोगी हुने भन्दै काँग्रेस नेतृ खड्कालाई सो बिद्यालयका प्रधानध्यापक इन्द्रबहादुर खड्काले धन्यबाद व्यक्त गरे । उनले भने– आगामी दिनमा पनि विद्यालय परिवारले यसरी नै सहयोगको अपेक्षा गरेको छौं ।
टिभि हस्तान्तरण कार्यक्रममा बोल्दै नेपाली कांँग्रेसका पूर्ब पार्टी सभापती रामचन्द्र खड्का, महाधिबेसन प्रतिनिधी भरत चौलागाई, रामेछाप क्षेत्र नम्बर २ का नेपाली काँग्रेसका प्रदेश सभा सदस्यका उमेरद्वार जितबहादुर मगर, काँग्रेस नेता भुवन खड्का इकाई सभापती जनक खड्का लगायतले शिक्षा क्षेत्रको विकास नभएसम्म देश विकास सम्भब नभएको भन्दै सबै भन्दा पहिला शैक्षिक क्षेत्रको विकास आवश्यक्ता रहेको बताए ।
