रामेछाप । नेपाली काँग्रेस रामेछापको जिल्ला सम्मेलन सम्पन्न भएको छ । जिल्ला सम्मेलनमा बोल्दै पार्टी सभापति पूर्णबहादुर तामाङ (कान्छाराम)ले सबै पक्ष सँग सहकार्य गरेर अघि बढ्ने बताएका छन् ।
केही दिन अघि नेपाली काँग्रेसका १४ जना महाधिवेशन प्रतिनिधि सहित पूर्व जिल्ला पदाधिकारी तथा नेताहरूले सहित सभापति (कान्छाराम) विरुद्धमा ४६ जनाले हस्ताक्षर सहित केन्द्रीय सभापति शेरबहादुर देउवा र महामन्त्री गगन कुमार थापा विश्वप्रकाश शर्मालाई उजुरी दिएका थिए ।
सोही विषयलाई केन्द्रित गर्दै सभापति कान्छारामले भने ‘म मेरो विरोध गर्ने सबै साथीहरूसँग मिलेर सहकार्य गरेर जान रहेको बताए । यदि मैले सभापति पद छाड्दा समस्या समाधान हुन्छ भने त्यो पनि तयार छु भन्दै सहकार्यका लागी आफू तयार भएको बताए । उनले त्यसको लागि छलफल हुनु पर्ने भन्दै छलफलमा आउन आग्रह गरे ।
