रामेछाप । नेपाली काँग्रेस जिल्ला कार्यसमिति रामेछापकोे शनिबार बिपी स्मृति भवन मन्थलीमा सम्पन्न भएको छ । बैठकले केन्द्रको परिपत्र अनुसार यहि मंसिर १७ गते सम्म सहमतीको प्रयास गर्ने र यदि सहमती नजुटेको अवस्थामा २३ गते निर्वाचन गर्ने निर्णय गरेको छ ।
नेपाली काँग्रेसको दुई वर्ष अघि जिल्ला अधिबेशन सम्पन्न भएता पनी महासमिति सदस्य भने अधिबेशनमा चयन भएको थिएन । मंसिर १७ गते सम्म सहमती जुटाउन बैठकले नेपाली काँग्रेसका नि वर्तमान जिल्ला सभापती लबश्री न्यौपानेको नेतृत्वमा ५ सदस्य समिति गठन गरेको छ । न्यौपानेको नेतृत्वमा काँग्रेस नेता कृष्ण महत, जिल्ला कार्यसमिति सदस्य चिना खड्का (कार्की) क्षेत्रीय सभापतिहरू निरोज खड्का (१) र राजेश कुमार श्रेष्ठ (२) सदस्य रहने गरी समिति गठन गरिएको पार्टी सचिव दिपक खड्काले जानकारी दिए ।
पार्टि सचिब खड्काले भने– सहमतीको लागी २० औं पार्टिको बैठकले ५ सदस्य समन्वय समिति गठन गरेका छौं । उहाँहरुले सबै महाधिबेशन प्रतिनिधिहरु संग बसेर छलफल गरेर सहमतीको प्रयास गर्नु हुन्छ । सहमती १७ गते सम्म जुट्नेमा हामीले विश्वास गरेका छौं । सकेसम्म निर्वाचन प्रक्रियमा जान नपर्ने गरी सहमतीको प्रयास हुन्छ । कुनै कारण सहमती नभएको अवस्थामा मंसिर २३ गते निर्बाचन प्रक्रिया मार्फत महासमितिको निर्वाचन हुन्छ । साथै लामो समय पछि बसेको पार्टीको बैठकले अन्य सांगाठानीक विषयमा गम्भीर छलफल गरेको समेत बताइएको छ ।
