रामेछाप । मन्थली नगरपालिकामा नेपाली कांग्रेसको जित निश्चित रहेको मन्थली नगरपालिकामा नगर प्रमुख पदका उम्मेदवार विनोदकुमार कार्की बताएका छन् । मंगलबार मन्थली नगरपालिका ११ र १२ नम्बर वडामा पुगेका कार्कीले यस पटक मन्थली नगरपालिकामा नेपाली कांग्रेसको जित निश्चित रहेको बताएका छन् । यस भन्दा अघि थोरै भोटले पछी पेरेको भए पनी यो पटक आफुले धेरै मत अन्तरले जित्ने बताएका छन् । नागरिकले ५ बर्ष एमालेको काम नागरिकले हेरेको भन्दै यो पटक समुन्नत मन्थली नगर, सम्मानित मन्थली नगरवासी बनाउन आफुलाई नागरिकले साथ दिने बताएका छन् ।
‘यो पटक हाम्रो जित निश्चित छ’ मंगलवार भोट माग्दै गेलु पुगेका काँग्रेस रामेछापका सचिव समेत रहेका कार्कीले भने – जनताको अपार माया म र मेरो टिमका साथिहरु माथि छ ,काँग्रेस प्रति छ ।
कार्की सहित काँग्रेसका नेताहरु भोट माग्दै जनताको घर दैलो कार्यक्रममा पुग्दा मतदातामा एक प्रकारको उत्साह देखिएको छ । ‘तपाईले जित्नुपर्छ र मन्थली नगरका समस्या समाधान गर्नुपर्छ भन्ने मतदाताको माग छ ’ कार्कीले भने । पाँच बर्ष अघी कम्युनिष्टहरुले गरेका बाचा पुरा नभएको भन्दै काँग्रेसलाई छान्ने बचन मतदाताहरुले दिने गरेका छन् । ‘मलाई विश्वास छ, मन्थली नगरपालिकाका आम मतदाताले आफ्नो विवेक यो पटक प्रयोग गर्नुहुनेछ र नेपाली काँग्रेसका उम्मेदवारलाई विजयी गराउनु हुनेछ ’ कार्कीले विश्वास व्यक्त व्यक्त गर्नुभयो ।
कार्कीले आफलुले निर्वाचनमा घर दैलोमा जाँदा पुरा गर्नै नसक्ने खालका एजेण्डा नलगेको भन्दै् । एउटा सपना छ – ‘समुन्नत मन्थली र सम्मानीत मन्थलीबासी’ बनाउने । त्यहि सपना पुरा गर्नका लागि योजनाको खाका सहित घर दैलोमा छु । अघील्लो निर्वाचनमा नगर प्रमुख पदमा पराजय भोग्नु परेका कार्की हार स्वीकार गरेर पुनः मतदाताका बिच आएका छन् ।
काँग्रेसका तर्फबाट मन्थली नगरको उप प्रमुखमा यशोदा श्रेष्ठ उम्मेदवार बनेका छन् । मन्थली नगरपालिकाको योजना निर्माण, बजेट तर्जुमा लगाएतका अनुभव श्रेष्ठ संग रहेको छ । ५ बर्ष सम्म नगर कार्यपालिकाको सदस्य भएर काम गरेको अनुभव भएकी सरल स्वभावकी धनि श्रेष्ठ नगर लाई भ्रष्टाचारमुक्त र शुसासनको अनुभुति दिलाउने बताएकी छिन्
अरुलाई धेरै आलोचना गर्न नरुचाउने श्रेष्ठ भनिन्– कसैको आलोचना नगर्दा पनि हाम्रो नगरका धेरै काम गर्न सकिन्छ । ‘हामी कुरा गर्दैनौ काम गरेर देखाउछौं त्यसैले नेपाली काँग्रेस रोजौ भनेर मतदाताको दैलोमा पुगेका छौं ’ १४ वटा वडामा विभाजन भएको मन्थली नगरमा ३७ हजार २ सय २० जना मतदाता रहेका छन् । काँग्रेसले प्रमुख उप प्रमुख सहित अधिकांश वडामा आफ्नो विजय निश्चित रहेको जनाएको छ । मन्थलीमा नगर प्रमखका लागि स्वतन्त्र ३ सहित ९ जना र उप प्रमुखमा ६ जना उम्मेदवार चुनावी मैदानमा छन् ।
