काठमाडौं ः तिन दिन देखी चलेको नेपाली कांग्रेस केन्द्रीय समिति बैठक आज पनि बस्दै छ । केन्द्रिय समितिको बैठक आज बिहान ११ बजेबाट केन्द्रीय कार्यालय सानेपामा सुरु हुनेछ ।
बैठकमा केन्द्रीय सदस्यहरू बोल्ने क्रम सकिएको छैन । केन्द्रीय सदस्यहरूले आज पनि आफ्नो धारणा राख्नेछन् । हिजोको बैठकमा ३५ केन्द्रीय सदस्यले आफ्नो धारणा राखेको कांग्रेसले जनाएको छ ।
बैठकमा केन्द्रीय सदस्यहरूले पार्टीमा कार्यकर्ता र जनताको असन्तुष्टि बढेको, गठबन्धनले निर्वाचनमा पहिलो दल बने पनि कांग्रेसले राजनीति हारेको, सरकार जनतासँग नजोडिएको, क्रियाशील सदस्यतालगायत विषयमा आफ्नो धारणा रोखेका छन् ।
साउन २ गते सुरु भएको कांग्रेस केन्द्रीय समिति बैठकमा १० वटा एजेन्डा र विभिन्न प्रतिवेदन माथि छलफल भइरहेको छ । बैठक अझै दुई दिन लम्बिने कांग्रेसले जनाएको छ ।
